Kerala Blasters FC

2026-yil 17-noyabr, 09:21 dagi Programmer (munozara | hissa) versiyasi
(farq) ←Avvalgi koʻrinishi | Hozirgi koʻrinishi (farq) | Yangiroq koʻrinishi→ (farq)

Kerala Blasters futbol klubi (odatda shunchaki „Blasters“ deb ataladi) — Hindistonning Kerala shtati, Kochi shahrida joylashgan professional futbol klubi boʻlib, mamlakat futbolining eng yuqori divizioni hisoblangan Hindiston Superligasida (ISL) ishtirok etadi. Klub 2014-yilning may oyida, ISLning ilk mavsumida tashkil etilgan.

Kerala Blasters
Fayl:Kerala Blasters FC logo.svg
Toʻliq nomi Kerala Blasters futbol klubi
Laqabi Manjappada (Sariq armiya)
Tuskers
Qisqa nomi KBFC, KER
Asos solingan 27-may, 2014-yil (12 yil avval) (2014-05-27)
Javoharlal Neru stadioni
Sigʻimi 41,000[1]
Egalari Al Fursan Sports Investment
Rais Ahmad bin Faisal Al Qasimi
Bosh murabbiy Ashley Westwood
Liga Hindiston Superligasi
Vebsayti Klub sayti

Klub oʻzining ilk oʻyinini 2014-yil 13-oktyabrda oʻtkazib, „NorthEast United“ jamoasiga 1:0 hisobida imkoniyatni boy bergan. „Blasters“ Hindiston Superligasining uch karra kumush medali sovrindori hisoblanadi. Jamoa ilk bor 2014-yilda finalga chiqqan va oʻyinning qoʻshib berilgan daqiqalarida oʻtkazib yuborilgan gol tufayli „ATK“ga 1:0 hisobida magʻlub boʻlgan. 2016-yilgi finalda ular yana „ATK“ga, bu safar penaltilar seriyasida 4:3 hisobida yutqazib qoʻyishdi. Klub 2022-yilda uchinchi marta finalga yoʻl oldi va unda „Hyderabad FC“ jamoasiga penaltilar seriyasida 3:1 hisobida magʻlub boʻldi. „Blasters“ uy uchrashuvlarini Kochi shahridagi Javoharlal Neru stadionida oʻtkazadi. Klub tashkil etilganidan buyon aksariyat mavsumlarda „Kerala Blasters“ ligada oʻyinlarga eng koʻp muxlis tashrif buyurishi boʻyicha rekordni ushlab turibdi. Jamoa Janubiy Hindistondagi qoʻshnilari — „Bengaluru FC“ hamda „Chennaiyin FC“ klublari bilan azaliy raqobatchi hisoblanadi va ular bilan Janubiy Hindiston derbisida kuch sinashadi.

„Blasters“ Osiyodagi eng koʻp muxlislarga ega klublardan biri boʻlib, ijtimoiy tarmoqlardagi obunachilari soni boʻyicha qitʼa futbol klublari orasida yetakchi oʻrinlarda turadi. Klub oʻzining sodiq ishqibozlari, xususan, Osiyodagi eng faol va ehtirosli fan-klublardan biri sifatida nom qozongan „Manjappada“ muxlislar guruhi bilan ham mashhurdir. Jamoa gerbida xartumi bilan futbol toʻpini tutib turgan fil tasvirlangan boʻlib, bu Keralaning mazkur sport turi bilan chambarchas bogʻliqligini ifodalaydi. Klubning anʼanaviy libosi sariq va koʻk ranglar uygʻunligidan iborat. Sariq rang esa jamoa tashkil topgan ilk kunlardanoq uning asosiy rangi hamda oʻziga xos ramzi boʻlib kelmoqda.

Maydonlar

Stadionlar

 
Kochidagi Javoharlal Neru stadioni

„Kerala Blasters“ uy uchrashuvlarini Kochi shahridagi Javoharlal Neru stadionida oʻtkazadi[2]. Stadion koʻp tarmoqli boʻlsa-da, undan asosan futbol oʻyinlari uchun foydalaniladi. U ham Hindiston milliy futbol, ham kriket jamoalari oʻyinlariga, shuningdek, Milliy futbol ligasi hamda I-liganing „FC Kochin“ va „Chirag United Club Kerala“ klublariga mezbonlik qilgan[3][4]. Bundan tashqari, stadion Hindiston Premyer-ligasining „Kochi Tuskers Kerala“ jamoasi uchun uy maydoni boʻlib xizmat qilgan va 2017-yilgi FIFA U-17 Jahon chempionati oʻtkaziladigan joy sifatida tanlangan[5]. FIFA musobaqasi doirasida stadion taʼmirlanib, yangi oʻrindiqlar oʻrnatildi, xavfsizlik masalalarini inobatga olgan holda uning sigʻimi avval 50 000 tagacha, keyinchalik esa 41 000 tagacha qisqartirildi[6]. Hindiston Superligasining 2018–2019-yilgi mavsumida ushbu stadion liganing „Mavsumning eng yaxshi maydoni“ mukofotiga sazovor boʻldi[7]. 2019-yilda Katta Kochinni rivojlantirish boshqarmasi stadionga quyosh panellarini oʻrnatish taklifini ilgari surdi, bu esa ushbu majmuani Keralada quyosh energiyasi bilan ishlaydigan birinchi, mamlakatda esa uchinchi shunday inshootga aylantirar edi[8].

Mashgʻulot bazasi

„Kerala Blasters“ klubi „The Sanctuary“ inshootidan oʻzining rasmiy mashgʻulot bazasi sifatida foydalanadi. Kochining Trippunitura shaharchasidagi Sree Narayana Vidyapeetam umumtaʼlim maktabi hududida joylashgan ushbu baza mazkur maktab bilan hamkorlikda qurilgan. Klub obyektni toʻliq oʻz tasarrufida saqlash uchun uzoq muddatli ijara shartnomasini imzolagan. Asosiy jamoa, akademiya va oʻrinbosarlar tarkibi aynan bir bazadan birgalikda foydalanadi. Shuningdek, u oʻyinchilar va murabbiylar uchun yechinish xonalari bilan birga tiklanish, tibbiy yordam, natijalarni tahlil qilish, uchrashuvlar va ommaviy axborot vositalari uchun maxsus joylarni oʻz ichiga oladi[9].

Players

Birinchi jamoa tarkibi

2026-yil 9-oktyabr[10][11]

Eslatma: Bayroqlar FIFA muvofiqlik qoidalariga koʻra belgilangan milliy terma jamoalarni ifodalaydi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.

R. Poz. Millati Futbolchi
1 GK   IND Amrinder Singh
3 DF   IND Sandeep Singh
4 DF   IND Hormipam Ruivah
5 DF   IND Sumit Sharma
6 MF   IND Freddy Lallawmawma (5-sardor)
7 FW   IND Korou Singh
8 MF   IND Vibin Mohanan (4-sardor)
9 FW   ENG Andre Green
10 MF   URU Adrián Luna (sardor)
11 MF   IND Mohammed Sanan
13 DF   ENG James Bolton
15 MF   IND Sahil Tavora
16 MF   IND Paul Ramfangzauva
19 DF   IND Jaganath Jayan
R. Poz. Millati Futbolchi
23 MF   MNE Nebojša Kosović
24 MF   IND Joel Lalramengmawia
27 DF   IND Aibanbha Dohling (3-sardor)
31 GK   IND Arsh Anwer Shaikh
32 MF   IND Mohammad Yasir
33 DF   IND Bikash Yumnam (vitse-sardor)
44 DF   SEN Fallou Ndiaye
45 FW   IND Sreekuttan MS
46 FW   IND Ramhlunchhunga
47 MF   IND Ebindas Yesudasan
50 DF   IND Naocha Singh
55 DF   IND Amey Ranawade
81 GK   IND Alsabith ST
99 FW   GUI Momo Yansané

Shartnomasi mavjud bosh futbolchilar

Eslatma: Bayroqlar FIFA muvofiqlik qoidalariga koʻra belgilangan milliy terma jamoalarni ifodalaydi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.

R. Poz. Millati Futbolchi
— DF   IND Rakesh Meitei

Manbalar

  1. ↑ „Jawaharlal Nehru Stadium, Kochi - Kerala Blasters FC“. keralablastersfc.in. 2026-yil 2-avgustda asl nusxadan arxivlangan. Qaraldi: 2026-yil 28-avgust.
  2. ↑ „Jawaharlal Nehru Stadium, Kochi“. ISL. 2017-yil 27-iyunda asl nusxadan arxivlangan. Qaraldi: 2017-yil 31-may.
  3. ↑ „Exciting night games“. The Hindu (2011-yil 4-aprel). 2018-yil 10-martda asl nusxadan arxivlangan. Qaraldi: 2017-yil 26-iyul.
  4. ↑ „Ball rolls for football season in Kochi“. NDTV (2011-yil 16-dekabr). 2017-yil 29-iyulda asl nusxadan arxivlangan. Qaraldi: 2017-yil 26-iyul.
  5. ↑ Muralidharan, Ashwin. „Kochi's Jawaharlal Nehru stadium cleared to host eight games“. Goal.com (2017-yil 18-may). 2017-yil 29-iyulda asl nusxadan arxivlangan. Qaraldi: 2017-yil 26-iyul.
  6. ↑ "France: The declining current account balance. Construction has been boosting GDP.". OECD Economic Outlook. doi:10.1787/611382468488. http://dx.doi.org/10.1787/611382468488. Qaraldi: 2020-10-07. Kerala Blasters FC]]
  7. ↑ „Kerala Blasters FC Home Ground Venue“ (en). Indian Super League. 2020-yil 3-oktyabrda asl nusxadan arxivlangan. Qaraldi: 2020-yil 7-oktyabr.
  8. ↑ „Kochi Jawaharlal Nehru stadium set to be powered by solar energy - The Week“. www.theweek.in. 2020-yil 12-oktyabrda asl nusxadan arxivlangan. Qaraldi: 2020-yil 7-oktyabr.
  9. ↑ „Blasters announce new training base, ‘The Sanctuary’“. Kerala Blasters FC. 2025-yil 5-sentyabrda asl nusxadan arxivlangan. Qaraldi: 2025-yil 5-sentyabr.
    „The Sanctuary' will be the focal point for our first team and youth teams, binding innovation, collaboration and efforts across the club.“. Kerala Blasters FC on Facebook.
  10. ↑ „Kerala Blasters FC Squad Details, Team“. Indian Super League. 2020-yil 22-oktyabrda asl nusxadan arxivlangan. Qaraldi: 2022-yil 5-oktyabr.
  11. ↑ „KBFC (M)“. Kerala Blasters FC (2020-yil 31-yanvar). 2023-yil 7-fevralda asl nusxadan arxivlangan. Qaraldi: 2022-yil 7-oktyabr.

Havolalar

  • URL topilmadi.