Jump to content

Адамс Самуэл

From Ziyosfera
Revision as of 19:54, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

Адамс (Адамс) (1722.27.9 −1803.2.10) – Америка сиёсий ва давлат арбоби ва публицисти, Англиянинг Шимолий Америкадаги мустамлакаларида озодлик кураши ташкилотчиларидан бири. „Озодлик ўғлонлари“ инқилобий ташкилоти раҳбари. 1-Континентал конгрессни (1774) чақириш ташаббускорларидан. Адамс Бостонда Мухбирлар комитетини тузди (1772). Ундан ўрнак олиб Англиянинг Шимолий Америкадаги ҳамма мустамлакаларида ҳам шундай ташкилотлар тузилди. Булар инқилобий кураш марказлари ва мустақиллик уруши даври (1775 – 1783)да маҳаллий инқилобий ҳокимият куртаклари эди. Адамс 1794 – 1797 йларда Массачусец штатининг губернатори.

Адабиётлар

  • ЎзМЕ. Биринчи жилд. Тошкент, 2000-йил