Jump to content

Alunit

From Ziyosfera
Revision as of 19:56, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

Alunit (frans. alun — achchiqtosh) — sulfatlar sinfiga mansub mineral. Formulasi- KA13[SOJ2[OH]6. Qattiqligi 3,5-4,5. Sof ogʻirligi 2,6-2,8. Alunit asosan mayda zarrali zich va boʻsh (zichlashmagan) holda uchraydi. Rangi oq, kulrang va qizgʻish. Kristall donalari shishaga oʻxshash yaltiroq. Zich va tuproqsimon agregatlari xira boʻladi. Alunit vulkan jinslarga magmadan chiqqan issiq sulfat oksidli eritmalar taʼsir etishidan hosil boʻladi. Rossiya Federatsiyasi (Uzoq Sharq), Ozarbayjon, Ukrainaning gʻarbida, AQSH, XXR, Avstraliya, Eron, Meksika va boshqa joylarda konlari bor.

Adabiyotlar

  • OʻzME. Birinchi jild. Toshkent, 2000-yil