Jump to content

Batash

From Ziyosfera
Revision as of 20:02, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

Batash, botosh — oʻzbek qabilalaridan biri. Batashlar 18 — XIX asrlarda Buxoro xonligining siyosiy hayotida muhim rol oʻynagan. V. Radlovning yozishicha, mangʻitlar sulolasidan boʻlgan Buxoro xoni taxtga oʻtirar ekan, uni 4 qabila vakillari kigizga oʻtqazib 4 tomonidan koʻtarganlar. Bu qabilalar — ming, allot (arlot), bahrin va batash boʻlgan. XIX asrning 70-y.larida Qashqadaryo viloyatida 5 ming Batash boʻlgan. Batashlar oʻtroq holda Buxoro, Surxondaryo viloyatlarida ham yashagan. Batash oʻzbek millati tarkibiga kirgan.

Adabiyotlar

  • OʻzME. Birinchi jild. Toshkent, 2000-yil