Jump to content

Битов

From Ziyosfera
Revision as of 20:04, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

Битов — организмдаги табиий тешик, най (мас, аёл жинсий йўллари)нинг туғма йўқлиги (ривожланиш нуқсони) ёки битиб қолиши. Кўпинча туғма бўлади. Қиз бола ёшлигида юқумли касаллик (скарлатина, дифтерия, қизамиқ ва бошқалар) билан оғриши оқибатида ҳам юзага келади. Жинсий йўлларнинг яллиғланиб чандиқланиши, баъзан таносил аъзоларининг яраланиши Б.га сабаб бўлади. Б. кўпинча қиз бола балоғатга етиб ҳайз кўрмай қолгандагина билинади. Б.да ҳайз қони дастлаб қинга, кейин бачадон ва найларига, ниҳоят қорин бўшлиғига ўтиб, қорин пасти оғрийди. Б.нинг олдини олиш учун қиз болани ёшлигидаёқ мутахассис врач (гинеколог) кўригидан ўтказиб туриш лозим.

Адабиётлар

  • ЎзМЕ. Биринчи жилд. Тошкент, 2000-йил