Jump to content

Буфф опера

From Ziyosfera
Revision as of 20:06, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

Буфф опера — италян комик (ҳазилмутойиба) операси. Ҳажми кичиклиги, ўзгаришларга бой мазмуни, қаҳрамонларининг кулгили ва жонли ҳаракатлари, мусиқа услубининг миллий қўшиқчилик ан’аналарига яқинлиги билан ажралиб туради. Илк намуналари операсериа ("жиддий опера")нинг икки парда ўртасидаги интермедия тарзида ижро этилган. XVIII асрнинг 30- йилларида Ж. Перголези (1710—36) ижодида пайдо бўлган. Кейинчалик Н. Пиччини, Ж. Паизиелло, Д. Чимароза ва бошқа ижодида ривож топган. Буфф опера услуби XIX асрмусиқасида (Ж. Россини, "Севиля сартароши" ва бошқалар), XX аср опера сан’атида (С. Прокофев, "3 апелсинга муҳаббат" ва бошқалар) ҳам ўз аксини топган. Ўзбекистонда Буфф опера ан’аналари негизида С. Юдаков "Майсаранинг иши" — илк ўзбек комик операсини ёзган.

Адабиётлар

  • ЎзМЕ. Биринчи жилд. Тошкент, 2000-йил