Jump to content

Чипор илонлар

From Ziyosfera
Revision as of 20:08, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

Чипор илонлар — сув илонлар оиласига мансуб илонлар 2 уруги; асл Чипор илонлар (Cолубер) ва ўрмаловчи Чипор илонлар (Е1арпе)нинг умумий номи. Узунлиги 2,4 м гача. Гавдасининг орка қисми сидирға рангли, баъзан қора йўлйўл доғлари бўлади; қорин томони оқиш. 30 га яқин тури Жанубий Европа, Осиёнинг мўтадил ва тропик минтақалари, Шимолий ва Шарқий Африка ҳамда Шимолий Америкада тарқалган. Ўзбекистонда Чипор илонларнинг 6 тури учрайди. Айниқса, турли рангли Чипор илонлар ва гулдор Чипор илонлар кенг тарқалган; чўл минтақаларда кўндаланг йўлли Чипор илонлар, холдор Чипор илонлар кўп учрайди. Чипор илонлар майда кемирувчилар, калтакесаклар, қушларнинг болалари ва майда қушлар билан озиқланади. Жуда ҳаракатчан. Ўлжасини бўғиб ёки ерга босиб ўддиради. Урғочиси 3 тадан 40 тагача тухум қўяди. Чақади, лекин заҳарсиз бўлганидан хавфли эмас. Айрим турлари Табиатни муҳофаза килиш халқаро иттифоки Қизил китобига киритилган.

Манбалар