Jump to content

Флебит

From Ziyosfera
Revision as of 20:12, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

Флебит (юн. пҳлебос — вена, итис — яллиғланиш) — веналарнинг яллиғланиши. Кўлоёқ веналари флебити, одатда, юқумли касалликлар, йирингли яралар, абссесс, флегмонанинг асорати сифатида, шунингдек, туғруқсан кейин юзага келиши мумкин. Аксари стрептококклар қўзғатади. Қўлоёқнинг юза ва чуқур веналари, чаноқ веналари флебити кўпроқ учрайди. Венада тромб ҳосил бўлишидан тромбофлебит келиб чиқади. Ўткир ва сурункали флебит фарқ қилинади. Ўткир юза флебитда вена қаттиқлашиб, оғрийди ва шу жой териси қизаради, бемор лоҳасланади, иситмалайди. Сурункали флебит йиллаб чўзилиши ва ботбот қўзиб туриши мумкин. Чуқур веналар флебитида касаллик аломатлари яққол кўзга ташланмайди, уци врач текшириб аниклаши мумкин. Флебитда яллигланган соҳани ҳаракатлантирмаслик лозим. Давони врач тайинлайди. Флебитнинг олдини олишда тери, хусусан, оёқ панжаси терисини тўғри парвариш килиш, чақаланиш ва йирингли касалликларни ўз вақтида даволатиш лозим.