Jump to content

Кодекс

From Ziyosfera
Revision as of 20:18, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

Кодекс (лотинча cодех) — 1) ижтимоий муносабатларнинг муайян бир турдаги соҳасини тартибга солувчи системалаштирилган ягона қонун ҳужжати (Фуқаролик кодекси, Жиноят кодекси ва ҳоказо). Давлатларнинг кўпчилигида меҳнат, оила, жиноят процесси, фуқаролик процесси бўйича кодекслар энг кўп амалда бўлган қонунлар мажмуи ҳисобланади; 2) қадимги китоб шаклларидан; Қадимги Римда пайдо бўлган. Дастлаб пергамент ёки папирус, кейинроқ қоғозни дафтар тарзида буклаб, тикиб тайёрланган. ВИ асрдан китобнинг асосий шаклига айланган. Китобда мавжуд бўлган муқова, саҳифа ва уларни безаш тартиби (саҳифали миниатюра, унвон ва бошқалар) ҳозирги китобларда ҳам сақланган[1].

Манбалар

  1. ↑ ЎзМЕ. Биринчи жилд. Тошкент, 2000-йил