Jump to content

Метгемоглобин

From Ziyosfera
Revision as of 20:27, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

Метгемоглобин — (мета ва гемоглобин) гемоглобин, ферригемоглобин — оксидланган гемоглобин ҳисобланади. Бунда кислород гемоглобин таркибидаги темир билан мустаҳкам бирикиб, ўзидаги кислородни тўқималарга ажратиб чиқара олмайди. Натижада кислород етишмаслиги — гипоксия ҳолати рўй беради. Соғлом киши эритроцитлари таркибида метгемоглобин жуда оз миқдорда (0,1 — 1% гача) бўлади. Организм турли кимёвий моддалар ёки дорилардан заҳарланганда қонда метгемоглобин миқдори ортади (метгемоглобинемия). Бундай ҳолларда тез толиқиш, бош оғриғи ва кўкариш (сианоз) аломатлари юзага чиқади[1].

Манбалар

  1. ↑ ЎзМЕ. Биринчи жилд. Тошкент, 2000-йил