Jump to content

Мезонлар

From Ziyosfera
Revision as of 20:27, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

Мезонлар (юн. месос — ўрта оралиқ) — ўзаро кучли таъсирлашадиган зарралар (адронлар) қаторига кирадиган беқарор элементар зарралар. М. барион заряди йўқлиги ва нолга тенг ёки бутун сонли спинга эга бўлган барионлардан фарқ қилади. Дастлаб кашф этилган п- ва К-мезонлар массасининг протон ҳамда электрон массалари оралиғида туриши бу элементар зарраларнинг М. деб аталишига сабаб бўлган. я-мезон ва К-мезоннинг атом ядролари, шунингдек, нуклонлар билан ўзаро таъсири электромагнит ўзаро таъсирга нисбатан жуда каттадир. М.нинг кўпчилиги космик нурларнинг атом ядролари билан тўқшанувини ўрганишда аниқланган.

М.нинг умумий ва асосий хоссаларидан бири, уларнинг ўз-ўзидан емирилиш (парчаланиш) хусусиятидир. М.нинг атом ядролари, нуклонлар ва бошқа элементар зарралар билан таъсирлашуви ва сочилишидан элементар зарралар структурам, таъсир параметрлари, резонанс зарралар, ўзаро таъсирдаги зарралар хоссалари каби муҳим натижалар олинган.[1]

Манбалар

  1. ↑ ЎзМЕ. Биринчи жилд. Тошкент, 2000-йил