Jump to content

Мусича

From Ziyosfera
Revision as of 20:30, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)
Мусича

Мусича (Спилопелиа сенегаленсис) — каптарсимонлар оиласи ғурраклар уруғига мансуб қуш. Думи узун, бошқа каптарсимонларга нисбатан кичик. Танасининг орқа томонидаги патлари бир хил кулранг, бўйни орқасида қора рангли ярим ҳалқаси бор. Уруғнинг бошқа турларидан гавдасининг кичиклиги (узунлиги 14–30 см), дарахтлар шохига ин қурмаслиги билан фарқ қилади.

Ўрта Осиёда кенг тарқалган, турар жойлар яқинида яшайди. Биноларнинг бўғотларига ин қуради, 2–3 та тухум қўяди. Бир йилда бир неча марта бола очади. Ўтроқ яшайди. Ўсимликлар уруғи, жумладан, дон ва нон увоқлари билан озиқланади[1].

Манбалар

  1. ↑ ЎзМЕ. Биринчи жилд. Тошкент, 2000-йил