Jump to content

Орзигул

From Ziyosfera
Revision as of 20:35, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

„Орзигул“ – ўзбек халқ ишқий-романтик достонларидан. Ислом шоир Назар ўғлидан ёзиб олинган. Достоннинг бош қаҳрамони Орзигул халқнинг энг яхши фазилатларини ўзида мужассамлаштирган, адолат йўлида кураш олиб борувчи аёл образидир. Орзигул ҳаёти, кураши ўша даврнинг ижтимоий масалалари билан боғлаб талқин қилинади. Орзигул билан Сувонхон муҳаббати барча тўсиқларни енгишга қодир қудратли куч сифатида намоён бўлади. Асарда Орзигул, Сувонхон ва Доно чўпоннинг Қорахон подшо қўшинлари устидан ғалабаси адолат ва ҳақиқатнинг рўёбга чиқиши, зулмат устидан ёруғлик тантанаси сифатида акс эттирилган.[1]

Манбалар

  1. ↑ ЎзМЕ. Биринчи жилд. Тошкент, 2000-йил