Jump to content

Pech

From Ziyosfera
Revision as of 20:38, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

Pech — Vengriyaning janubi-gʻarbiy qismidagi shahar. Mechek togʻlarining janubiy etagida. Baranya medyesining maʼmuriy markazi. Aholisi 161 ming kishi (1990-yillar oxiri). Transport yoʻllari tuguni. Janubiy Dunantulning iqtisodiy va madaniy markazi. Mashinasozlik (jumladan, elektrotexnika), yogʻochsozlik, kimyo, koʻn-poyabzal, shisha-keramika, oziq-ovqat (tamaki, pivo, konserva, shampan vinolari ishlab chiqarish) sanoati korxonalari mavjud. Musiqa as-boblari ishlab chiqariladi. Shahar yaqinida toshkoʻmir, uran qazib olinadi. Universitet (1367), muzeylar, teatr bor. Shahar rimliklarning Sopiana qishlogʻi oʻrnida mil. boshlarida bunyod etilgan. Oʻrta asrlarga oid meʼmoriy yodgorliklari, jumladan, sobor, jome masjidlari saqlangan. Shahar atrofida shi-fobaxsh buloklar bor.[1]

Manbalar

  1. ↑ OʻzME. Birinchi jild. Toshkent, 2000-yil