Jump to content

Подгорица

From Ziyosfera
Revision as of 20:39, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

Подгорица (Подгориcа, 1952-1992-йилларда Титоград) — Черногория Республикаси пойтахти. Скадар кўли сойлигида жойлашган. Аҳолиси 136 минг киши (2003). Транспорт йўлларининг йирик чорраҳаси. Аэропорти халқаро аҳамиятга эга. Алуминий комбинати, металлсозлик, мебел, тўқимачилик, тамаки, озиқ-овқат саноати корхоналари мавжуд. Черногория фан ва санъат академияси, университет бор.

Қад.да П. ўрнида римликларнинг Вирзиминиум қишлоғи бўлган. VII асрда Черногорияни славян қабилалари эгаллагач, қишлоқ Рибница деб аталди. XII аср 80-йиллари — 1360-йилда П. деб номланган. 1427-йилдан П. Зет князлиги марка-зи. XV асрнинг охирларидан Усмонли турк империяси таркибида, 1878-йилда Черногорияга қайтарилган.

П.да меъморий ёдгорликлардан турклар қурган қалъа қолдиқлари (XV аср), XVII—XIX асрларда қурилган бинолар ҳамда шаҳар яқинида антик Доклей шаҳри харо-балари, черков ва бошқа сақланган.