Kontent qismiga oʻtish

Radom

ZiyoSfera, erkin ensiklopediya
2026-yil 7-avgust, 20:44 dagi Programmer (munozara | hissa) versiyasi
(farq) ←Avvalgi koʻrinishi | Hozirgi koʻrinishi (farq) | Yangiroq koʻrinishi→ (farq)

Radom — Polshaning markaziy qismidagi shahar. Radom voye vodasining maʼmuriy markazi. Aholisi 232,3 ming kishi (1999). Transport yoʻllari tuguni. Mashinasozlik (tikuv mashinalari, telefon apparatlari ishlab chiqarish), kimyo, koʻnpoyabzal, oyna-shisha, oziq-ovqat (tamaki, goʻsht) sanoati korxonalari bor.

Radom Polshaning qadimiy shaharlaridan. Qoʻlyozmalarda XII asrdan tilga olingan. 1505-yilda Radom konstitutsiyasi qabul qilingan. XIV—XVI asrlarda Polsha majlisining qarorgohi boʻlgan. XIV—XVIII asrlarda qurilgan meʼmoriy yodgorliklari saqlangan[1].

Manbalar

  1. ↑ OʻzME. Birinchi jild. Toshkent, 2000-yil