Jump to content

Темпера

From Ziyosfera
Revision as of 20:55, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

Темпера (италянча: „темпера“ — бўёқни аралаштирмоқ) — 1) бўёқ моддаси ва боғловчи моддаси сувли эмулсия ва тухум сариғидан таркиб топган бўёқ. Боғловчи моддалар таркибига қараб сариқ темпера (тухум сариғи қўшилган), оқ темпера (тухум оқи қўшилган), казеинли темпера ва бошқа турлари бор. Саноат усулида катта ва кичик тюбикларда ишлаб чиқарилади;

2) Темпера бўёқлари ёрдамида яратиладиган рангтасвир тури; монументал ва дастгоҳ санъатида кенг қўлланади. Темперада яратилаётган асарлар сирти лок билан қопланмайди, шунинг учун улар майин жилосиз сиртга эга. Темпера асарларида ранг ва ранг туслари ташқи таъсирга чидамли, ўзининг дастлабки сифатини мойбўёқ рассомлигига нисбатан узоқ вақт сақлайди. Темперани акварел ва гуаш билан қўшиб ишлатиш мумкин.