Jump to content

Тиграй

From Ziyosfera
Revision as of 20:56, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

Тиграй, тигриння — сом тиллари оиласининг эфиопсом тармогига мансуб тил; Эфиопия ва Эритрея давлатларида тарқалган. Эритреянинг расмий тили. Унда 6 млн дан ортиқ киши сўзлашади. Ўзаро яқин аккеле гузай, адуа, хамасин, танбен, агаме лаҳжаларининг қоришмасидан иборат. Фонетик тизими умумий сом консонантизмидан айрим ўхшаш ундошларнинг бир ундошга бирлашиб кетганлиги билан фарқланади. Тиграй лексикаси ва синтаксисига кушит тиллари ҳамда геэз, амхар тиллари кучли таъсир кўрсатган (мае. кесим кўпчилик сом тилларида гап бошида келса, Тиграйда гап охирида келади). Тиграйда ўзига хос адабиёт ва матбуот ХХ асрнинг 40-йилларидан ривожлана бошлади, эфиоп ёзувидан фойдаланади.