Jump to content

Трахеит

From Ziyosfera
Revision as of 20:58, 7 August 2026 by Programmer (talk | contribs) (Oʻzbekiston Milliy Ensiklopediyasi (OʻZME) loyihasidan 100% asl holatida import qilindi.)
(diff) ← Older revision | Latest revision (diff) | Newer revision → (diff)

Трахеит (трахея ва итис — яллиғланиш) — трахея шиллиқ пардасининг яллиғланиши. Совқотиш, юқумли касалликлар (грипп, қизамиқ, кўкйўтал), шунингдек, юрак, ўпка касалликлари, болаларда эса аксари рахит, экссудатив диатез ва ҳоказо оқибатида пайдо бўлади. Асосан, баҳор ва кузда кўп учрайди. Ўткир ва сурункали кечади. Ўткир Т., одатда, тумов ва бурунхалқумнинг яллиғланиши билан бошланиб, тезда трахеяга ўтади. Бемор йўталади (йўтал, айниқса, кечаси ва эрталаб зўраяди), балғам ажралади (касалликнинг бошланиш даврида балғам қийин ажралади), томоқ ва тўш соҳасида оғриқ пайдо бўлиб, бемор йўталганда кучаяди, томоқ тирналиб, ачишади, ҳиқилдоқ яллиғланиши ҳам қўшилганда одам бўғилиб, бутунлай овози чиқмай қолади (қаранг Ларингит). Беморда дармонсизлик, бош оғриғи, иситма каби аломатлар кузатилади. Ўз вақтида даво қилинса, ўткир Т., одатда, 1—2 қафтадан кейин ўтиб кетади, акс ҳолда сурункали туе олади, бунда касаллик вақтвақтида қўзиб, узоқ давом этади.

Манбалар