Султон Сегизбоев
| Султон Сегизбоев | ||
|---|---|---|
қозоқча: Сұлтан Сегізбаев | ||
|
Мансаб даври 1937-йил октабр – 1938-йил июлгача | ||
| Ўтмишдоши | Абдулла Каримов | |
| Вориси | Абдужаббор Абдураҳмонов | |
|
Мансаб даври 1937-йил 3-апрел – ноябргача | ||
| Ўтмишдоши | Максим Аммосов | |
| Вориси | Николай Кузнецов | |
|
Мансаб даври 1923-йил август – октабргача | ||
| Ўтмишдоши | Василий Буров-Петров | |
| Вориси | Абдулла Каримов | |
| Шахсий маълумотлари | ||
| Таваллуди |
1899-йил октабр Жағалбайли овули, Тошкент уезди, Сирдарё вилояти, Россия империяси | |
| Вафоти |
1939-йил 25-феврал Москва, СССР | |
| Фуқаролиги |
| |
| Миллати | қозоқ | |
| Мукофотлари |
| |
Султон Сегизбоев (1899.15.7, ҳозирги Оққўрғон тумани — 1938.15.6) — сиёсат ва жамоат арбоби. Аввал қишлоқ мактабида, сўнг Тошкент гимназиясида ўқиган. Иқтисод фанлари бўйича профессор (1930). Сегизбоев 1916-йил Туркистондаги миллий озодлик ҳаракатида қатнашган. 1918-йилдан хўжалик соҳасида раҳбарлик лавозимларида. Туркистон ўлка "Қўшчи" ташкилоти масъул котиби (1921—22). Фарғона вилояти партия комитети котиби (1923), Туркистон КП МК ташкилий бўлими мудири, Тошкент уезди партия комитети котиби (1924). Украина Старобелск округ партия комитети йўриқчиси (1925). 1925—30 йилларда Қизил профессура институти (Москва)да ўқиган, шу институт ҳузуридаги кечки университет декани. Бутуниттифоқ қишлоқ хўжалиги академиясининг Ўрта Осиё филиали ва Пахтачилик институти директори, Ўрта Осиё университетида кафедра мудири (1930—31). ВКП (б) Қозоғистон ўлка комитетида бўлим мудири (1932—36), Шимолий Қозоғистон вилоят партия комитети 1котиби (1937). Ўзбекистон ХКС раиси, СССР Олий Совети Иттифоқ Совети раиси ўринбосари (1937—38). Газета, журналарга муҳаррирлик қилди, иқтисод ва тарихга оид кўплаб мақолалар езди. 1938-йил Тошкентда қамоққа олиниб, қатағон қилинди. Ўлимидан сўнг оқланди. Сегизбоев хотираси абадийлаштирилган. Оққўрғон туманидаги ширкат хўжаликлари (2 та), мактаб, маҳалла, кўча, Мирзачўл туманидаги ширкат хўжалиги, Гулистон шаҳридаги тиббиёт коллежи, Тошкент шаҳридаги кўчалардан бири унинг номи билан аталади, Мирзачўл ва Оққўрғон туманларида Сегизбоев бюсти ўрнатилган[1].
Адабиёт
- Ўзбекистон тарихи (1917—1991-йил), Т., 2000; Муҳиддинова Ф.П., Ҳасанов Қ. Султон Сегизбоев, Т., 1978.
Манбалар
| Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
| Шахсият ҳақидаги уşбу мақола çаладир. Сиз уни бойитиб, ЗиёСферага ёрдам бериşингиз мумкин. |
- Қизил Байроқ ордени соҳиблари
- Ўзбекистон Бош вазирлари
- 1899-йилда туғилганлар
- 1938-йилда вафот этганлар
- 15-июнда вафот этганлар
- Шахсиятлар ҳақидаги чала мақолалар
- Туркистон (вилоят)да туғилганлар
- Москвада вафот этганлар
- Ўзбекистон ССР ҳукумат раҳбарлари
- Ўзбекистон инқилобчилари
- Ўзбекистон қозоқлари
- Алифбо бўйича сиёсатчилар




