Kontent qismiga oʻtish

Rustam Inoyatov

ZiyoSfera, erkin ensiklopediya
(Inoyatov, Rustam Rasulovichdan yoʻnaltirildi)

Vikipediyada ismi Rustam va familiyasi Inoyatov boʻlgan boshqa kishilar haqida ham maqolalar mavjud.
Inoyatov Rustam Rasulovich
 Oʻzbekiston Respublikasi prezidentining siyosiy-huquqiy masalalar boʻyicha davlat maslahatchisi
Mansab davri
2018-yil 31-yanvardan – 2021-yil 15-noyabrgacha
Prezident Shavkat Mirziyoyev
Oʻtmishdoshi Otabek Murodov[1][2]
Vorisi Baxtiyor Islomov
 2-Oʻzbekiston Respublikasi Milliy xavfsizlik xizmati raisi
Mansab davri
1995-yil 27-iyundan – 2018-yil 31-yanvargacha
Prezident Islom Karimov
Shavkat Mirziyoyev
Oʻtmishdoshi Gʻulomjon Aliyev
Vorisi Ixtiyor Abdullayev
Shaxsiy maʼlumotlari
Tavalludi 1944-yil 22-iyun (1944-06-22) (82 yosh)
Sherobod Surxondaryo
Mukofotlari Amir Temur ordeni1-darajali Shon-sharaf ordeni2-darajali Shon-sharaf ordeni
Xizmat yillari 1968—2018
Unvoni General-polkovnik

Inoyatov Rustam Rasulovich (22-iyun 1944-yilda tugʻilgan) — 1995-yildan 2018-yilgacha Oʻzbekiston Respublikasi Milliy xavfsizlik xizmati raisi, 2018-yildan 2021-yilga qadar Oʻzbekiston Respublikasi prezidentining siyosiy-huquqiy masalalar boʻyicha davlat maslahatchisi boʻlgan.

Faoliyati

1968-yilda Toshkent Davlat Universiteti Sharqshunoslik fakultetini „eronshunos“ mutaxassisligi boʻyicha tamomlagan. Ingliz, fors tillarini mukammal biladi. Oʻqishni bitirgach, Qurolli Kuchlar safida harbiy xizmatni oʻtagan.

1972-yilda Oʻzbekiston SSR Davlat xavfsizligi qoʻmitasi (KGB)ga xizmatga qabul qilingan.

1976-1981-yillarda — SSSRning Afgʻonistondagi vatandoshlar bilan doʻstlik va madaniy aloqalar jamiyati xodimi.

1981-1991-yillarda — SSSR Davlat xavfsizligi qoʻmitasi Birinchi bosh boshqarmasi (tashqi razvedka xizmati) xodimi.

1991-1995-yillarda — Oʻzbekiston Respublikasi Milliy xavfsizlik xizmati raisining birinchi oʻrinbosari.

1995-yil 27-iyun kuni Oʻzbekiston Prezidenti Islom Karimov tomonidan Oʻzbekiston Respublikasi Milliy xavfsizlik xizmati raisi lavozimiga tayinlangan[3][4].

2018-yil 31-yanvardan 2021-yil 15-noyabrgacha — Oʻzbekiston Respublikasi prezidentining siyosiy-huquqiy masalalar boʻyicha davlat maslahatchisi.[5]

Oʻzbekiston Respublikasi Oliy Majlisi Senatining qonunchilik va sud-huquq masalalari qoʻmitasi aʼzosi[6]

1992-yilda General-mayor, 1996-yilda General-leytenant, 1999-yilda esa General-polkovnik oliy harbiy unvoni berilgan.[7]

1999-2020 yillarda Oʻzbekiston tennis federatsiyasi prezidenti[8]

Oilasi

Otasi — Rasul Inoyatov (marhum), OʻzSSR sogʻliqni saqlash vazirligi kadrlar boshqarmasi boshligʻi boʻlgan.

Turmush oʻrtogʻi — Flora Inoyatova (qizlik familiyasi ham Inoyatova), professor. Toshkent farmatsevtika instituti kafedra mudiri[9]. Uning ukasi Ulugʻbek Inoyatov, Oʻzbekiston xalq demokratik partiyasi aʼzosi, sobiq xalq taʼlimi vaziri.

Qudasi — Botir Parpiyev, Oʻzbekiston Respublikasi Davlat soliq qoʻmitasining sobiq raisi.

Qudasi — Saidahmad Rahimov, Oʻzbekiston sobiq moliya vaziri.

Oʻgʻli — Sharif Inoyatov, tadbirkor. „Metropol Group“ mas’uliyati cheklangan jamiyati asoschilaridan biri.

Kuyovi — Bobur Parpiyev, Orient Finans Bank asoschisi, tadbirkor.

Manbalar

  1. ↑ Отабек Муродов назначен Генеральным прокурором | Pravda Vostoka Online, 2018-02-02da asl nusxadan arxivlandi, qaraldi: 2018-02-01
  2. ↑ http://lex.uz/pdfs/3727138
  3. ↑ „Rustam Inoyatov MXX rahbarligidan ketdi“. 2024-yil 15-mayda asl nusxadan arxivlangan. Qaraldi: 2018-yil 1-fevral.
  4. ↑ „Glava SNB Uzbekistana osvobojden ot doljnosti“. 2018-yil 2-fevralda asl nusxadan arxivlangan. Qaraldi: 2018-yil 1-fevral.
  5. ↑ https://m.kun.uz/news/2021/11/15/rustam-inoyatov-prezident-maslahatchisi-lavozimidan-ketdi
  6. ↑ „Inoyatov Rustam Rasulovich“. 2022-yil 7-iyulda asl nusxadan arxivlangan. Qaraldi: 2018-yil 14-sentyabr.
  7. ↑ R. Inoyatovni mukofotlash toʻgʻrisida
  8. ↑ „Рустам Иноятов Ўзбекистон теннис федерацияси раиси лавозимини тарк этди“.
  9. ↑ „MXX raisi Inoyatovning rafiqasi davlat mukofoti oldi“ (2017-yil 24-avgust). Qaraldi: 27-dekabr 2022-yil.