Delhi sport klubi (inglizcha: Sporting Club Delhi) — Nyu-Dehli shahrida joylashgan Hindiston professional futbol klubi. Klub Hindiston futbolining oliy divizioni hisoblangan Hindiston Superligasida (ISL) ishtirok etadi. Ilgari Telangana shtatining Haydarobod shahrida „Haydarobod FC“ nomi ostida faoliyat yuritgan va uy uchrashuvlarini Gachibowli shahridagi G. M. C. Balayogi nomidagi yengil atletika stadionida oʻtkazgan[1][2]. Klubga 2019-yil 27-avgustda asos solingan boʻlib, oʻzining ilk professional mavsumini 2019–20-yillarda boshlagan. 2025–26-yilgi ISL mavsumi oldidan klub rebrending oʻtkazib, nomini „Sporting Club Delhi“ga oʻzgartirgan hamda oʻz bazasini Nyu-Dehli shahriga koʻchirggan. Klub Dehlida joylashgan „B. C. Jindal Group“ kompaniyasiga tegishli boʻlib, uning tasarrufida boshqariladi.
2020-yil 16-iyun kuni Germaniyaning„Borussia Dortmund“ klubi „Haydarobod“ bilan yoshlar futbolini rivojlantirish boʻyicha hamkorlik shartnomasini imzolagan[3]. Jamoa oʻzining ilk uchrashuvini 2019-yil 25-oktyabrda oʻtkazib, unda „ATK“ jamoasiga 0–5 hisobida magʻlub boʻlgan. Klub ISLdagi debyut mavsumini 10-oʻrinda yakunlab, pley-off bosqichiga chiqa olmagan. 2021–22-yilgi ISL mavsumi finalida „Kerala Blasters“ klubini penaltilar seriyasida 3–1 hisobida magʻlub etgan klub oʻz tarixidagi birinchi va hozircha yagona ISL chempionligini qoʻlga kiritgan[4].
Eslatma: Bayroqlar FIFA muvofiqlik qoidalariga koʻra belgilangan milliy terma jamoalarni ifodalaydi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.
Eslatma: Bayroqlar FIFA muvofiqlik qoidalariga koʻra belgilangan milliy terma jamoalarni ifodalaydi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.