Ҳофиз Маматбува
Маматбува ҳофиз (асли Муҳаммад Сатторов; 1885.14.1 — Марғилон — 1969.4.3) — Ўзбекистон халқ ҳофизи (1941). Халқ хонанда ва созандалари (Болтабой ҳофиз ва бошқалар)дан халқ ашула йўлларини ўрганган. Ҳамза бошчилигидаги агитбригада, Ўзбек этнографик труппасида (1925—26), Ҳамза театрида (1926—30) хонанда. Уруш йиллари Янгийўл мусиқали драма ва комедия театри студиясида ёш санъаткорларга ашула йўлларини ўргатган. Г. Рахимова раҳбарлигидаги фронт консерт бригадасида хизмат қилган. Ҳофиз Маматбува "Кўп эрди ҳасратим", "Бир келсун", "Айладинг", "Кулинг", "Фиғонким", "Сайдинг қўя бер, сайёд" каби катта ашулаларни маҳорат билан ижро этган. У "Ушшоқ", "Чоргоҳ", "Муножот", "Сегоҳ" ашула йўлларини, айрим замонавий қўшиқлар ("Ўзбекистондир", "Шодлик эцангчи ёшлар", "Дилраболар" каби)ни катта ашула услубида айтган. Ж. Султанов, М. Узоқов сингари ўнлаб халқ санъаткорларининг устози бўлган.[1]
Манбалар
| Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
| Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |