Jump to content

Shohnay

From Ziyosfera

Shohnay, shexnay — surnaysimon tilchali puflama musiqa cholgʻusi. Shimoliy Hindistonning asosiy mumtoz sozlaridan. Yogʻochdan qilingan konussimon tanasida 7 ta chalgʻich (barmoq) teshigi mavjud. Qamishdan yasalgan tilchasi orqali havo yuboriladi. Baland, kuchli va jarangdor tovushga ega. Ijro jarayonida shahriga past ovozli (bansuri nay kabi) puflama hamda urma (nogʻora, tabla va boshqalar) cholgʻular joʻr boʻladi. Turli oilaviy va diniy marosimlar, xalq bayramlarida, hozir esa konsert cholgʻusi sifatida ham keng qoʻllanadi (yana qarang Bismilloh Xon).