Тимсоҳлар
Тимсоҳлар — сувда яшовчи судралиб юрувчилар туркуми. Танаси калтакесакка ўхшаш, узунлиги 2–7 м, боши яссилашган, тумшуғи узун. Кўзлари ва бурун тешиклари боши устидан бўртиб чиқиб туради. Бурун ва қулоқ тешиклари сувда ёпиладиган клапанлар билан таъминланган. Оғиз бўшлиғида иккиламчи танглай бўлади.

Tishlari yirik. Tili ogʻiz tubiga yopishgan. Dumi uzun va baland (ikki yondan yassilashgan). Orqa oyoqlari barmoqlari orasida suzgich pardalari bor. Terisi qattiq va qalin, muguzsimon yirik plastinkalar bilan qoplangan. Muguz plastinkalar ostida suyak plastinkalar joylashgʻan.Timsohlar yuragi 4 kamerali boʻlishi bilan boshqa sudralib yuruvchilardan farq qiladi. Oʻpkasi yaxshi rivojlangan. Erkaklari kloakasi orqa qismida toq jinsiy organ joylashgan. Alligatorlar, gaviallar va haqiqiy timsoxlar oilalariga boʻlinadi.
Тимсоҳлар оиласига 3 уруғ ва 15 га яқин тур киради, жумладан, нил тимсоҳлари (узунлиги 7 м гача) тропик Африка дарё, кўл ва ботқокликларида; тарокли тимсоҳлар (узунлиги 6 м гача) Жан.Шарқий Осиё, Малайя архипелаги ороллари, Шим. Австралия ва Янги Гвинеядаги дарёларнинг қуйилиш жойлари ва денгиз соҳилларида тарқалган. Тимсоҳлар ҳаётининг кўп қисмини сувда ўтказади; асосан, тунда фаол. Баликдар, сут эмизувчилар, қушлар ва сув умуртқасизлари билан озиқланади. Нил Тимсоҳлари ва тарокди тимсоҳлар одам учун хавфли. Урғочи тимсоҳлар қирғокдаги қум ёки чириётган барглар орасига 20—100 тухум қўяди; насли тўғрисида ғамхўрлик қилади. Тимсоҳлар гўшти ейилади, терисидан қимматбаҳо теригалантерея буюмлари тайёрланади. Кўплаб овланиши туфайли сони камайиб кетган. 26 тури ва кенжа тури (жумладан, 15ҳақиқий тимсоҳлар) Халқаро Қизил китобга киритилган. Бир қанча мамлакатлар (АҚСҲ, Куба, Япония, Кения)да тимсоҳларни кўпайтирадиган питомниклар мавжуд.
| Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
| Ҳайвон ҳақидаги уşбу мақола çаладир. Сиз уни бойитиб, ЗиёСферага ёрдам бериşингиз мумкин. |