Ziyosfera

Abdulmajid Ludhianviy

Abdulmajid Ludhiyanviy (5-iyun 1934 — 1-fevral 2015; urducha: مولانا عبدالمجید لدھیانوی) pokistonlik ulamo va yozuvchi boʻlib, Aalmi Majlis Tahaffuz Xatm-e-Nubuvvatning 7-amiri va Vifaq ul Madaris Al-Arabiya ijroiya qoʻmitasining katta aʼzosi boʻlib xizmat qilgan[1][2][3].

Hayoti va taʼlimi

Ludhiyanviy 1934-yilda Ludhiana tumanidagi Jagraon shahrida Hofiz Muhammad Yusufning oilasida tugʻilgan. Uning otasi taqvodor, oʻrta hol dehqon va yer egasi edi. U dastlabki taʼlimni Salempurdagi hukumat oʻrta maktabida oldi. Sakkizinchi sinfda oʻqib yurgan paytida Hindistonning boʻlinishi masalasi hal qilinayotgan edi. U ota-onasi bilan Pokistonga koʻchib oʻtdi va Shorkotda istiqomat qildi hamda bu yerda oʻrta maktab imtihonini topshirdi. Shundan soʻng, 1949-yilda diniy taʼlim olish uchun Toba Tek Singhdagi Jomiya Dorul Ulum Rabboniyaga oʻqishga kirdi. Ikki yildan soʻng u Faisaloboddagi Madrasa Ashraf ar-Rashidga oʻqishga kirdi. Shu orada u Kamaliada yashovchi oila qiziga uylangan. Keyin u Jomiya Qosim-ul-Ulum Multonga oʻqishga kirdi va 1956-yilda Dars-i Nizomini tamomladi. Abdulmajid Buxoriy va Termiziyni Mahmud Hasan Deobandiyning shogirdi boʻlgan mavlono Abdulxoliqdan, Sahih Muslimni esa Mufti Mahmuddan oʻrgandi. Shuningdek, u Zakariyya Kandhlaviy, Muhammad Idris Kandhlaviy va Muhammad Yusuf Banuriydan hadis rivoyat qilish uchun ijozat olgan[4].

Faoliyati

Xoja Xon Muhammad 2010-yilda vafot etganidan keyin, u Aalmi Majlis Tahaffuz Xatm-e-Nubuvvatning amiri etib saylandi[4]. Shuningdek, u Iqro Rozatul Atfol Trustning 4-prezidenti sifatida ham xizmat qilgan[5].

Asarlari

  • Tibyan ul Furqon (6 jild)
  • Xutbot-e Hakim al-Asar (12 jild)

Vafoti

Abdulmajid 2015-yil 1-fevral kuni Multonda boʻlib oʻtgan Vifaq ul Madaris Al-Arabiya seminarida yurak xurujidan vafot etgan[6]. Uning janoza namozini Salimullohxon boshqargan[4]. Navoz Sharif (oʻsha paytdagi bosh vazir)[7], Shahbaz Sharif (oʻsha paytdagi bosh vazir oʻrinbosari) va Mavlono Fazlur Rahmon uning vafoti munosabati bilan taʼziya bildirgan[8].

Manbalar

  1. ↑ „Maulana Abdul Majeed Ludhyanvi passes away“. dawn.com (2015-yil 2-fevral). Qaraldi: 2021-yil 27-aprel.
  2. ↑ * Siddiqui, Khawaja Saif-Ur-Rehman; Hureri, Muhammad Akram; Rehman, Abdur (2020). "Contemporary Social Issues and Urdu Tafāsīr: A Study of Mawlānā Abdul Majeed Ludhiānvī's "Tibyān al-Furqān"" (ar). Al-Qamar 3 (2): 183–192. ISSN 2664-4398. https://alqamarjournal.com/index.php/alqamar/article/view/326. 
  3. ↑ * Siddiqui, Khawaja Saif-Ur-Rehman; Hureri, Muhammad Akram (2021). "Social issues and Their Solutions in the Light of Tabian Al-Furqan (Maulana Abdul Majeed Ludhianvi)" (ur). Malakand University Research Journal of Islamic Studies 3 (1): 89–103. ISSN 2708-6577. https://journals.uom.edu.pk/murjis/article/view/152. 
  4. ↑ 4,0 4,1 4,2 مولانا محمد اعجاز مصطفی.. „حضرت مولانا عبدالمجید لدھیانوی رحمۃ اللہ علیہ کی رحلت“. Jamia Uloom-ul-Islamia. Qaraldi: 2021-yil 27-aprel.
  5. ↑ „SCHOOL LEADERSHIP“. iqratrust.edu.pk/en. 2021-yil 28-aprelda asl nusxadan arxivlangan. Qaraldi: 2021-yil 28-aprel.
  6. ↑ „مولانا عبدالمجید لدھیانوی ملتان میں وفاق المدارس کے سیمینار کے دوران انتقال کر گئے“. dailypakistan.com.pk (2015-yil 2-fevral). Qaraldi: 2021-yil 27-aprel.
  7. ↑ „PM expresses grief over the demise of Abdul Majeed Ludhianvi“. Prime Minister's Office (2015-yil 1-fevral). Qaraldi: 2021-yil 28-aprel.
  8. ↑ „Maulana Majeed Ludhianvi dies during Wafaq's seminar“. nation.com.pk (2015-yil 2-fevral). Qaraldi: 2021-yil 27-aprel. 


"https://new.ziyosfera.uz/ziyo/19914441" dan olindi