Abris
Абрис (немисча абрип — чизиқ, хомаки расм) — 1) репродуктив литографияга — кўчирилаётган тасвир қиёфаси; шаффоф материал — плюр (елим қатламли шаффоф қоғоз), калка ёки желатин плёнкага махсус туш билан чизилади; 2) геодезияда — дала шароитида қўлда чизилган ва ўлчамлар кўрсатилган хомаки чизма; 3) ҳарбий ишда йўлнинг хомаки режаси. Абрис жанг бошланишига оз вақт қолганда ёки ҳаво ёмон пайтларда ҳарбий мутахассислар томонидан кўз билан чамалаб чизилади. Йўл қоғозда тўғри чизиқ билан кўрсатилади. Йўлда учрайдиган нарсалар (кўприклар, қуруқдан айланиб ва сувдан кечиб ўтиладиган жойлар) нуқта ёки кичик доира билан кўрсатилади. Чизиқ билан кўрсатишнинг иложи бўлмаса, қоғознинг бир четида қисқа шарҳ берилади. Абрис, одатда, харита ўрнида ишлатилади[1].
Манбалар
- ↑ Файл:Натионал Энcйcлопедиа оф Узбекистан лого.пнг „Абрис“, Ўзбекистон миллий энсиклопедияси (А-ҳарфи). Тошкент: „Ўзбекистон миллий энсиклопедияси“ Давлат илмий нашриёти, 2000–2006-йиллар.
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |