Absenteizm

Абсентеизм — (лотинча абсенс (абсентис) сайловчиларнинг вакиллик органлари ёки мансабдор шахсларни сайлашда, йиғилишларда ва ҳоказода қатнашишдан бош тортиши; аҳолининг ўз фуқаролик ҳуқуқларини амалга оширишга бефарқ қараши. Абсентизм сайлов тизимининг нодемократик кўринишига қарши аҳоли норозилигининг бир шакли, у эркин сайловлар ўтказилаётганда учрайди. Бунга қарши салбий (жарима санкцияларини белгилаш — айрим давлатларда қўлланади) ва ижобий (овоз беришда иштирок этганлиги учун давлат бюджетидан пул тўланади ёки сайлов ўтказилган кун меҳнат таътилига қўшиб берилади) тусдаги усуллар қўлланади.

Абсентеизм (лотинча абсентиа — қатнашмаслик, бош тортиш) — 1) сайловчиларнинг вакиллик органлари ёки мансабдор шахсларни сайлашда, йиғилишларда ва ҳоказода қатнашишдан бош тортиши; аҳолининг ўз фуқаролик ҳуқуқларини амалга оширишга бефарқ қараши. Абсентеизм сайлов тизими нодемократик кўринишига қарши аҳоли норозилигининг бир шакли; 2) қишлоқ хўжалигини юритишнинг шарти сифатида ернинг ўз эгасидан ажратиб қўйилиши. Бунда ер эгаси — абсентеист ишлаб чиқариш жараёнида қатнашмай пул даромади (рента ёки фойда шаклида) олади. Бу билан ер даромадлари қишлоқ хўжалиги ишлаб чиқариши соҳасидан ажратилади ва абсентеистларнинг яшаш манбаига айланиб қолади. Деҳқончилик абсентеизми Лотин Америкасида энг кўп тарқалган.

Қоида тариқасида, Абсентизм сайловлар ҳақиқий деб топилиши учун лозим бўлган сайловчилар сонининг камайишига олиб келади. Масалан, „Ўзбекистон Республикасининг референдуми тўғрисида“ги Қонун талабларига мувофиқ, агар рўйхатга киритилган фуқароларнинг ярмидан ками референдумда иштирок этган бўлса, Ўзбекистон Республикаси Марказий сайлов комиссияси референдумни ўтмаган деб ҳисоблайди.