Abu Bakr al-Hassar

Al-Hassar yoki Abu Bakr Muhammad ibn Abdallah ibn Ayyash al-Hassar (arabcha: أبو بكر محمد ابن عياش الحصَار‎‎) XII asrda yashagan marokashlik matematik boʻlgan. U hisob-kitob qoʻllanmasi boʻlgan Kitab al-bayan vat-tazkir (Namoyish va yodlash kitobi) va sonlarning tahliliga bagʻishlangan Kitab al-kamil fi sinat al-adad (Sonlar sanʼati haqida mukammal kitob) nomli ikki kitob muallifi hisoblanadi. Birinchi kitob yoʻqolgan, ikkinchi kitobning esa faqat bir qismi saqlanib qolgan.

Al-Hassar kasrlarni hozirgi zamonda ishlatiladigan matematik belgilar yordamida yozish usulini ishlab chiqqan. Bu usulda kasrning surati va maxraji gorizontal chiziq bilan ajratiladi. Oradan koʻp vaqt oʻtmay, XIII asrda Fibonacci asarlarida ham kasrlarni yozishning xuddi shu usuli uchray boshlagan.