Ajdargul
Аждаргул, итоғиз (Антирҳинум) – сигирқуйруқдошлар оиласига мансуб бир йиллик ва кўп йиллик ўтлар (баъзан, чалабута ўсимликлар) туркуми. 40га яқин тури бор. Асосан, Европа ва Шимолий Америкада, қисман Осиёда тарқалган. Ўрта Осиёда аждаргулнинг бир тури – йирик аждаргул (А. мажус Л.) хушманзара ўсимлик сифатида ўстирилади. Бу тўрнинг пояси 30—60 см, барги наштарсимон, пастдан юқорига майдалашиб боради. Гуллари икки лабли, оғзи юмуқ, шингил тўпгулларига йиғилган. Аждаргулнинг қизил, пушти, сариқ ёки оқ гулли хиллари учрайди. Чангчилари тўртта, гулкосачаси 5 баргчали, тукли. Меваси – кўсакча. Ўзбекистонда сигирқуйруқсошлар оиласига мансуб ва аждаргулга ўхшаш бир қанча ўсимликлар (мас, зиғирак) ҳам баъзан аждаргул деб юритилади.[1]
