Aleksandr Nikolayev

Александр Иванович Николаев (1922.22.11, Рязан вилояти — 1994.26.11 — Тошкент) — иммунолог олим, Ўзбекистон Фанлар академиясининг мухбир аъзоси (1979). Ўзбекистонда хизмат кўрсатган фан арбоби (1967), тиббиёт фанлари доктори (1962), профессор (1964). Иккинчи жаҳон уруши қатнашчиси, Тошкент тиббиёт академиясини тугатгач (1949), шу институт биокимё кафедрасида катта лаборант (1949—50), Ҳарбий академиянинг махсус курси ўқувчиси (1950—52), Тошкент тиббиёт академияси, сўнгра фармацевтика институтида ўқитувчи (1952—58), Ўзбекистон онкология ва радиология илмий тадқиқот институти директори ўринбосари (1958—68), Тошкент тиббиёт академиясининг илмий ишлар бўйича проректори (1968—75), 1975-йилдан Ўрта Осиё (ҳозирги Тошкент) педиатрия тиббиёт институти биокимё кафедраси мудири. Илмий ишлари умумий иммунология, аутоиммунопатология ва биокимё масалаларига оид.

Манбалар

• Иммунниэ реаксии при химиотерапии, Т., 1969; Методи определения аутоан-тител и их сравнителная оценка, Т., 1971 (ҳамкорликда); Эксперименталниэ и клинические аспекти аутоиммунопатологии, Т., 1974.