Aleksandr Shevchenko
Александр Василевич Шевченко (1883-йил 26-май, Харков, Россия империяси – 1948-йил 28-август[1], Москва, СССР[2]) – совет рассоми ва график дизайнери, санъат назариётчиси, авангард рассоми.
| Александр Шевченко | |
|---|---|
| Таваллуди |
1883-йил 26-май Харков,
Россия империяси |
| Вафоти | СССР |
| Фуқаролиги | совет |
| Таълими | Москва рассомлик, ҳайкалтарошлик ва архитектура институти (1909-йил) |
| Касби | рассом |
Ҳаёти
1883-йил 26-май Харковда туғилган[3][4].
1898—1907-йилларда Строганов номидаги рассомчилик ва санъат мактабига ўқишга кирган. 1905-йилда у мактабда ўқишни тўхтатиб, Парижга жўнаб кетган ва у ерда 1906-йилгача Эжен Керер қўлида ишлаган ва Керер вафотидан сўнг Этен Динет ва Жан-Пол Лоранлар билан Жулиан академиясида ишлаган. Париждан Россияга қайтишдан олдин Англия, Испания, Миср ва Туркия бўйлаб саёҳат қилган.
Москвага қайтиб, Шевченко Строганов номидаги рассомчилик ва санъат мактабидаги ўқишни тугатган (1907-йил).
1908—1909 йилларда у Москва рассомчилик, ҳайкалтарошлик ва архитектура институтида ўқиган, унинг ўқитувчилари А. Э. Аркипов ва К. А. Коровин бўлишган.
1910-йилларда бўлиб ўтган Мир искусства, Союз молодёжи, Ослиний Хвост номли кўргазмаларда Александр Василевич Шевченконинг асарлари ҳам қўйилган[5].
1914-йилда у армия сафига чақирув хати олган. 1916-йилда Биринчи жаҳон урушида қатнашган ва яраланган. 1917-йилда демобилизация қилинган.
У Халқ Маориф Комиссарлиги санъат коллегиясининг адабий-бадиий бўлимини бошқарган (1918—1921-йиллар) ва Москва рассомлари жамияти аъзоси бўлган.
1920-йилларнинг охири – 30-йилларнинг бошларида Қозоғистон, Озарбайжон, Грузияда бўлиб, шарқ мавзуларида бир қанча асарлар яратган[6].
Александр Василевич Шевченконинг асарлари ҳозирги кунда Москва Давлат галереясида, Қорақалпоғистон давлат санъат музейида[7] (Ўзбекистон), ва бошқа шахсий галареяларда сақланади[8].
1941-йилдан Москва тўқимачилик институтида рассомчилик бўлимини бошқарган.
У 1948-йилда вафот этган ва Ваганковское қабристонига дафн қилинган.
Манбалар
- ↑ „Александр Василевич Шевченко“.[сайт ишламайди]
- ↑ „Унион Лист оф Артист Намес“. 2023-йил 24-октябрда асл нусхадан архивланган. Қаралди: 2023-йил 18-октябр.
- ↑ "Болшая совецкая энсиклопедия"
- ↑ „«Прошлый Век». Галерея искусства ХХ века. Живопись, фотография, графика, интерьеры, биографии художников ХХ века.“. — „пв-галлерй.cом.“. Қаралди: 2021-йил 24-октябр.
- ↑ А. В. Шевченко. Сборник материалов. – М.: Сов. художник, 1980. – 280 с. – 20 000 экз.;
- ↑ Старейшиэ совецкиэ художники о Средней Азии и Кавказе. – М.: Сов. художник, 1973.
- ↑ „Государственный музей искусств имени И. В. Савицкого“.
- ↑ Каталог виставки произведений А. В. Шевченко. – М., 1924;