Aleksandr Troshkov
Александр Данилович Трошков (1904-йил, Беруний шаҳри — 1946-йил 13-апрел) — Иккинчи жаҳон уруши қатнашчиси. 1943-йилдан фронтда. 2-Украина фронта 46-армиянинг 99-ўқчи дивизиясида пулемёт наводчиги бўлган. Эрчи шаҳри яқинида биринчи бўлиб Дунай дарёсидан ўтган. Пулемётдан ўт очиб душманнинг учта ўт очиш нуқтасини ўчирган ва ротани дарёдан ўтишини таъминлаган. 1945-йил 24-мартда Совет Иттифоқи Қаҳрамони унвонига сазовор бўлган. Беруний шаҳридаги кўчалардан бири ва ўрта мактаб унинг номига қўйилган.
| Александр Трошков | |
|---|---|
| Таваллуди |
1904-йил |
| Вафоти | 1946-йил 13-апрел |
| Фуқаролиги |
 СССР |
| Касби | аскар |
| Унвони |
 |
| Мукофотлари |
 |
Биографияси
Александр Трошков 1904-йилда Беруний қишлоғида (ҳозирги Қорақалпоғистон таркибидаги шаҳар) туғилган[1][2]. Беш йиллик мактабни тугатгач, колхозда ишлаган. 1943-йилда Трошков Ишчилар ва Деҳқонлар Қизил Армияси сафига чақирилади. Ўша йилнинг октябр ойидан бошлаб Улуғ Ватан уруши фронтларида қатнаша бошлаган[2].
1944-йил декабргача Қизил Армия аскари Александр Трошков 2-Украина фронти 46-армиясининг 99-ўқчи дивизиясининг 1-ўқчи полкининг пулемёт ротасида пулемётчи бўлган. Александр Трошков Венгрияни озод қилишда иштирок этган. 1944-йил 5-декабрда Трошков Эрчи шаҳридан 3 километр шимолда жойлашган Мариахаз қишлоғи яқинида биринчилардан бўлиб Дунайни кечиб ўтди[3] ва душманнинг учта ўқ отиш нуқтасини шахсан йўқ қилади, ўзи ярадор бўлса-да, лекин жангни давом эттирган[1][2].
СССР Олий Совети Президиумининг 1945-йил 24-мартдаги фармони билан „Фашист босқинчиларига қарши курашиш мобайнида қўмондонликнинг жанговар топшириқларини намунали бажарганлиги, ҳамда кўрсатган жасорати ва қаҳрамонлиги учун“ Қизил Армия аскари Александр Трошков Ленин ордени, „Олтин юлдуз“ медали ва Совет Иттифоқи Қаҳрамони унвони билан тақдирланган[1]. 1945-йил 24-мартдаги фармон билан Дунайни кечиб ўтишдаги жасорати учун Совет Иттифоқи Қаҳрамони унвони билан 1-ўқчи полкининг яна 14 аскари: катта лейтенант Иван Семенович Забобонов, катта лейтенант Павел Алексеевич Милов, катта лейтенант Чубаров Алексей Кузмич, лейтенант Храпов Николай Константинович, лейтенант Количев Олег Федосеевич, кичик лейтенант Кутуэв Рауф Ибрагимович, катта сержант Кутуев Рауф Ибрагимович, катта сержант Шарпило Петр Демянович, сержант Ткаченко Иван Василевич, сержант Поляков Николай Федотович, оддий Зигуненко Иля Ефимович, оддий аскар Остапенко Иван Григоревич, оддий аскар Мележик Василий Афанасевич, оддий аскар Зубович Константин Михайловичлар тақдирланган. Александр Трошков мукофотни шахсан ўзи қабул қила ололмаган. Ғалаба кунини госпиталда қарши олган[1].
Александр Трошков 1946-йил 13-апрелда тўсатдан вафот этган[2]. Дафн этилган жойи номаълум.
Манбалар
- ↑ 1,0 1,1 1,2 1,3 „ТРОШКОВ АЛЕКСАНДР ДАНИЛОВИЧ“.
- ↑ 2,0 2,1 2,2 2,3 „Александр Данилович Трошков“.
- ↑ „ТРОШКОВ АЛЕКСАНДР ДАНИЛОВИЧ“. 2024-йил 1-мартда асл нусхадан архивланган. Қаралди: 2023-йил 24-октябр.
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |