Alessandro Volta

Алессандро Жузеппе Антонио Анастасио Волта (италянча: Алессандро Гиусеппе Антонио Анастасио Волта; 1745-йил 18-феврал, Комо — 1827-йил 5-март, Комо) — италян физиги ва физиологи. Илмий ишлари электр, кимё ва физиологияга доир. Электр асбоблари (электрофор, электрометр, конденсатор, электроскоп ва б.)ни ихтиро қилган. Волта 1775-йилда ёнувчи газ — метанни топган, Галвани кашф қилган „жонли электр“га қизиқиб қолиб, бу борада тажрибалар ўтказган. Волта 1800-йилда биринчи ўзгармас ток манбаи — Волта устунини кашф қилган, ҳар хил металлар бир-бирига текканда электрлашиб қолишини аниқлаган ва улар орасида пайдо бўладиган кучланиш қиймати бўйича жойлаштириб чиққан. Электр кучланиш бирлиги (волт) Волта номи билан аталган.

Алессандро Волта

Волта ҳайвонлар билан қиёсий-физиологик тажрибалар ўтказиб. нерв толалари, ичаклар ва ошқозоннинг мушаклар ва скелетга нисбатан электр токини кўпроқ ўтказишини кузатган. У одамнинг кўриш ва таъм билиш органлари электрдан қўзғалишини аниқлаган.