Amigdalin

Амигдалин, – глюкозидлар синфига мансуб табиий органик бирикма. Аччиқ бодомда (2,5- 3,5%), шафтоли (2-3%), олхўри (1- 1,8%), олча (0,8%) данагида, олма, нок уруғида ва бошқаларда бўлади. Амигдалин – ялтироқ пластинкасимон модда. Суюклашиш температураси 215°, сувда ва қиздирилган спиртда яхши эрийди. Амигдалиннинг кислоталар ҳамда аччиқ бодом мевасининг сувдаги экстрактида бўладиган эмулсин ферменти таъсирида гидролизланиши натижасида Д-глюкоза, бензалдегид ва сианид кислота ҳосил бўлади. Амигдалин одам ичагида ферментлар ва бактериялар таъсирида парчаланиб, сианид кислотага айланади ва организмнинг заҳарланишига олиб келади.

Адабиётлар

• ЎзМЕ. Биринчи жилд. Тошкент, 2000-йил