An-34
Ан-34 — Совет ҳарбий транспорт самолёти. О. К. Антонова номидаги экспериментал конструкторлик бюросида ишлаб чиқилган. Юкларни, аскарлар ёки парашютчиларни ташиш, шунингдек ярадорларни ташиш учун мўлжалланган. Ёрдамчи бомбардимончи сифатида ҳам фойдаланиш мумкин.
Яратилиш ва ривожланиш тарихи
1961-йилда битта Ан-24 самолёти транспорт самолётига айлантирилган. Йўловчи кабинаси эса юк кабинасига ўзгартирилган, пол контрплак билан мустаҳкамланган. Ўнг томонига эсса юк эшиги ўрнатилган. Самолёт ўзининг илк парвозини 1961-йил 4-сентабрда амалга оширган, синов учувчилари Ю. В. Курлин ва А. М. Сиганков бошқаришган. 1962-йил июл ойида самолёт давлат синовларига топширилган. Текширов натижасида эса бир қатор камчиликлар аниқланган. 1965-йил феврал ойида иккинчи Ан-24 конвертация қилинган. Энди юк бўлимида металл пол, орқа фюзелаждаги люк билан яхшироқ юклаш ҳамда тушириш учун самолёт шифтга юклаш мосламаси ўрнатилган. Ёнларда парашютчилар учун йиғма ўриндиқлар ўрнатилган. Бундан ташқари, самолётда ёқилғи захираси кўпайтирилган.
Сумсов Виктор Алексеевич самолётнинг бош конструктори этиб тайинланган. Янги самолёт Ан-34 (Ан-24Т) деб номланган. 1965-йил 16-июндан 10-ноябргача Давлат синовлари ўтказилган. Иркуцк авиация заводида самолётни серияли ишлаб чиқариш йўлга қўйилган. Ҳамда самолёт ишлаб чиқариш 1971-йилгача давом этган. 1965-йилдан 1971-йилгача 226 та самолёт ишлаб чиқарилган, улардан 62 таси Ан-24РТ модификациясида бўлган.
Самолётнинг фюзелаж қисми турли диаметрли иккита ёйдан иборат. Кокпит фюзелажнинг олдинги қисмида жойлашган. Унинг орқасида эса юк бо'лими жойлашган. Қуйруқ қисмида 1400×2720 мм о'лчамдаги юк люклари мавжуд.
Электр стансияси иккита АИ-24Т турбовинтли двигателдан иборат бо'либ, АВ-72Т то'рт қанотли перванеллари ва ТГ-16 автоном ишга тушириш блоки мавжуд. Парвоналарнинг диаметри 3,9 м.Ҳар бир двигателнинг учиш режимида қуввати 2550 от кучига тенг. Самолёт ёқилг'иси марказий қисмдаги то'ртта юмшоқ танкга жойлаштирилади.
Бахциз ҳодисалар ва ҳалокатлар
- 1972-йил 16-майда Болтиқ денгизи флотининг Ан −24Т самолёти Светлогорскдаги болалар боғчаси биносига қулаб тушган. Фожиа 34 кишининг ҳаётига зомин бўлган. Ҳалок бўлганларнинг 8 нафари самолёт экипажи ва ердаги 26 киши (жумладан, 23 бола) ҳалок бўлган.
- 1977-йил 19-апрелда Ан-24Т самолёти Тапа аэродромига қўнаётганда спиртли ичимлик суви заводининг трубасига урилиб кетиш натижасида, далага қулаб тушган ва 21 киши ҳалок бўлган[1][2].
- 1982-йил 12-майда Балашовский учувчилар тайёрлаш олий ҳарбий авиация мактабининг Ан-24Т самолёти курсанти амалиёт вақтида бошқарувни йўқотиб, учиш-қўниш йўлаги чизиғида тескари ҳолатга ағдарилган. Самолёт ерга қулагандан сўнг ёниб кетган. Натижада 4 нафар экипаж ва курсант ҳалок бўлган.
Техник хусусиятлари
- Техник хусусиятлари[3]
- Экипаж: 4 киши
- Йўловчи сиғими: 37 аскар ёки 33 парашютчи ёки 24 замбилда яраланган
- Юк кўтариш қобилияти: 5000 кг
- Узунлиги: 23,53 м
- Қанотлари кенглиги: 29,20 м
- Баландлиги: 8,32 м
- Қанот майдони: 74,98 м²
- Бўш вазн: 14,490 кг
- Оддий учиш оғирлиги: 20 000 кг
- Максимал учиш оғирлиги: 21 000 кг
- Ички танклардаги ёқилғининг массаси: 4790 кг
- Электр станцияси: 2 × ТВД АИ-24Т
- Двигател қуввати: 2 × 2550 (2×1876)
- Парвона: АБ-72Т
- Вида диаметри: 3,9 м
Парвоз хусусиятлари
- Максимал тезлик: 540 км/соат
- Круиз тезлиги: 450 км/соат
- Амалий масофа: 620 км
- Паром масофаси: 1890 км
- Амалий шифт: 8000 м
- Учиш масофаси: 640 м
- Югуриш узунлиги: 610 м
Қуролланиш
- Осма пунктлари: БДЗ-34 4 та нур ушлагичлари
- Бомбалар: калибрли 500 кг гача
Манбалар
Ҳаволалар
- Ан-34 (Wайбаcк Мачине сайтида 2014-04-19 санасида архивланган) Авиа-Мир портали саҳифаларида
- Саки аэродромидан Ан-24Т фотосуратлари (Украина)
- АИ-24ВТ фойдаланиш учун қўлланма