Andrey Kozlov
| Андрей Козлов | |
|---|---|
 | |
| Таваллуди |
Андрей Анатолиевич Козлов 1960-йил 25-декабр |
| Фуқаролиги |
 СССР →  Россия |
| Касби | режиссёр, продюсер ва телебошловчи |
Андрей Анатолиевич Козлов (1960-йил 25-декабр, Луганск, СССР) – россиялик телебошловчи, режиссёр ва продюсер, „Что? Где? Когда?“ ўйини магистри. „Что? Где? Когда?“ халқаро клуби президенти. „Игра-ТВ“ телеканалининг бош продюсери. 1991-йилдан бери „Брейн-ринг“ кўрсатувининг доимий бошловчиси. Россия телевидениеси академиясининг аъзоси[1].
Ҳаёти
Андрей Анатолиевич Козлов 1960-йил 25-декабрда Луганск шаҳрида туғилган („Игра-ТВ“ телеканалининг маълумотларига кўра, Германиядан СССРга учиб кетаётган самолётда)[2].
Онаси Ирина Александровна Козлова (2013-йил сентабр ойида ошқозон ости бези саратонидан вафот этган[3]) савдода раҳбар бўлиб ишлаган[4], отаси Анатолий Козлов эса ҳарбий, полковник бўлган. Андрейнинг Александр исмли укаси ва Галина исмли синглиси ҳам бор[3]. Бувиси Мария Никитична театр актрисаси бўлиб, Украина халқ артисти унвонига сазовор бўлган. У набирасини репетициялар ва спектаклларга олиб борган, саҳна ортида олиб юрган. Андрей саҳнада чиқишлар қилишни орзу қилар ва ҳаваскор сифатида кичик лойиҳаларда иштирок этарди. Мактабдан сўнг Борис Шчукин номидаги театр институтига ҳужжат топширди ва ўқишга кирди. У ўқишга киргани ҳақида ота-онасига хабар берди, лекин улар келиб, уни уйига олиб кетишди.
У Донецк университетининг кимё факултетига ўқишга кирди, университетда ўқиш мобайнида талабалар кечаларини ўтказди, 3 йил давомида Донецк телевидениесида мухбир бўлиб ишлади[4].
21 ёшида Донецк университетининг кимё факултетини тамомлади, кейин 30 ёшгача (1990) Жданов металлургия институтида кимё фанидан дарс берди[4][5]. 1990-йилдан бошлаб Москвада яшай бошлади[3].
Билимдон сифатидаги карераси
1984-йил ноябр ойида у ўзи доимий равишда томоша қилиб борадиган „Что? Где? Когда?“ кўрсатувига ушбу лойиҳада иштирок этиш мақсадида мактуб йўллади. Кейин эса у кастинга таклиф қилингани ҳақида жавоб хати олди. У 1986-йил 23-февралда кастингга келди ҳамда 6, 7 ва 8-март кунлари кўрсатувни суратга олиш ишларида томошабин сифатида иштирок этди[3].
Андрей телевидениедаги биринчи ўйинини 1989-йилда ўтказди[2]. 2008-йилда у ўйин магстри даражасига эга бўлди. У „Что? Где? Когда?“ ўйинидаги фаолияти давомида уч маротаба „Биллур бойқуш“ мукофотини (1992, 1994, 2008), бир марта „Бриллиант бойқуш“ мукофотини (2008) ва „Клубнинг энг яхши сардори“ (2001) унвонини қўлга киритди. 2008-йил 27-декабрда мавсумнинг сўнгги ўйинида у Суперблиц раундининг барча учта саволига жавоб бера олган ўйинчи сифатида „Волксwаген Пҳаэтон“ автомобили совринини ютиб олди.
2014-йил 15-мартда у „Что? Где? Когда?“ халқаро клублар ассоциацияси президенти этиб сайланди (Наталя Стеценко ўрнига).
2016-йилнинг ёзида у бир гуруҳ санъаткорлар ва Мудофаа вазирлиги вакиллари билан Сурияга ташриф буюрди ҳамда у ерда „Что? Где? Когда?“ ва „Брейн-ринг“ интеллектуал ўйинларини ўтказди. Бунинг учун у „Суриядаги ҳарбий операция иштирокчиси“ медали билан тақдирланди[6].
Шахсий ҳаёти
- Турмуш ўртоғи – Анна Козлова[7].
- Иккита қизи ва набиралари бор[4].
- Украиналик телебошловчи Игор Кондратюкнинг қариндоши, ўғлининг чўқинтирган отаси[4].
Телевизион карераси
Андрей Козлов 1990-йилдан бери телевидениеда ишлайди.
Режиссёр сифатидаги лойиҳалари:
- „Любов с первого взгляда“ (1991—1993)
- „Брейн-ринг“ (1993—2019); (ижодий гуруҳ таркибида 2010-йилда ТЕФИ мукофоти лауреати)[1]
- „Программа передач“
- „Исполнениэ желаний, или Как потратит миллион“ (2000)
- „Културная революция“ (2001—2017)[8]; (ижодий гуруҳ таркибида 2002 ва 2006-йилларда ТЕФИ мукофоти совриндори)[1]
- „Песни ХХ века“
- „Мой дом, мой город, моя страна“
- „Жизн прекрасна“
- „Человек в болшом городе“
- „Ми и наука. Наука и ми“
Бошловчилик қилган лойиҳалари:
- „Брейн ринг“ (1991-йилдан бери Россия телевидениесида; шунингдек, Озарбайжонда халқаро телевизион турнир)
- „Исполнениэ желаний, или Как потратит миллион“[9]
- „Программа передач“
- „Мой дом, мой город, моя страна“[10][11]
У Игра-ТВ каналининг бош продюсери ва бош директорининг биринчи ўринбосари.
2022-йилда Козлов филмларда ҳам дебюти қилди. У „Обоюдноэ согласиэ“ телесериалида рол ўйнади[12].
Филмографияси
| Йил | Филм | Рол |
|---|---|---|
| 2022-йил | Обоюдноэ согласиэ | Виктор Иванович Нестеренко, терговчи |
Мукофотлари
- ИИ даражали „Ватанга хизматлари учун“ ордени (2021) – оммавий ахборот воситаларини ривожлантиришга қўшган улкан ҳиссаси ва кўп йиллик самарали фаолияти учун[13].
- Россия Федерацияси Президентининг ташаккурномаси (2024) – ижтимоий аҳамиятга эга тадбирларни тайёрлаш ва ўтказишда фаол иштирок этгани учун.
Манбалар
- ↑ 1,0 1,1 1,2 „Козлов Андрей Анатольевич“ (деадлинк). Фонд «Академия Российского Телевидения». 2016-йил 17-июнда асл нусхадан архивланган. Қаралди: 2016-йил 19-май.
- ↑ 2,0 2,1 „Продюсерский центр ИГРА-ТВ: Козлов Андрей Анатольевич“. 2012-йил 26-декабрда асл нусхадан архивланган. Қаралди: 2008-йил 27-декабр.
- ↑ 3,0 3,1 3,2 3,3 Андрей Козлов: „Между съэмками программ мне нужно парит ноги и ставит горчичники“ – теле.ру
- ↑ 4,0 4,1 4,2 4,3 4,4 „Андрей Козлов: «Люди говорят, что я не дурак» — Досуг — WоманҲит.ру“. 2020-йил 11-августда асл нусхадан архивланган. Қаралди: 2018-йил 22-сентябр.
- ↑ „Ответы Андрея Козлова на вопросы посетителей сайта «Игра-ТВ»“. 2008-йил 15-мартда асл нусхадан архивланган.
- ↑ „Андрей Козлов: Для победы не все средства хороши“. Банк Русский Стандарт. 2020-йил 22-июнда асл нусхадан архивланган. Қаралди: 2020-йил 18-июн.
- ↑ „Андрей Козлов, жена — Мужья и жены звезд“. 2021-йил 23-январда асл нусхадан архивланган. Қаралди: 2018-йил 22-сентябр.
- ↑ „Андрей Козлов: "Трудно сказать, кто кого оглупляет – телевидение зрителей или наоборот"“. Собеседник (2018-йил 19-апрел). 2021-йил 3-мартда асл нусхадан архивланган. Қаралди: 2019-йил 17-январ.
- ↑ „На РТР начнут бросаться деньгами“. Комсомольская правда (2000-йил 9-июн). 2021-йил 27-январда асл нусхадан архивланган. Қаралди: 2019-йил 1-январ.
- ↑ „Знаток Бялко разыграл среди студентов чаепитие с ВВП“. Комсомольская правда (2003-йил 13-июн). 2018-йил 10-декабрда асл нусхадан архивланган. Қаралди: 2019-йил 17-январ.
- ↑ „Владимир Путин — телеперсона сезона!“ (деадлинк). Совершенно секретно. Версия (2003-йил 25-июн). 2003-йил 26-сентябрда асл нусхадан архивланган. Қаралди: 2019-йил 17-январ.
- ↑ „«Это мистика»: Андрей Козлов из «Что? Где? Когда?» вернулся из Крыма другим человеком“. Экспресс-газета (2022-йил 26-март). 2024-йил 17-январда асл нусхадан архивланган. Қаралди: 2024-йил 17-январ.
- ↑ „Указ Президента Российской Федерации от 5 июня 2021 года № 340 «О награждении государственными наградами Российской Федерации»“. 2021-йил 8-июнда асл нусхадан архивланган. Қаралди: 2021-йил 8-июн.
Ҳаволалар
- „Краткая энциклопедия телевидения: Козлов Андрей Анатольевич“ (деадлинк). 2009-йил 30-майда асл нусхадан архивланган.
- „Интервью с Андреем Козловым на радио «Эхо Москвы»“. 2012-йил 2-декабрда асл нусхадан архивланган.
- Интервю с Андреэм Козловим на радио „Шансон“[сайт ишламайди]
- Успет и бит умним