Andrey Medvedev
| Андрей Медведев | |
|---|---|
 | |
| Шахсий маълумотлари | |
| Таваллуд санаси |
1974-йил 31-август Киев, УССР, СССР |
| Фаолият йиллари | 1991—2001 |
| Бўйи | 1.93 м |
| Спорт | |
| Мамлакат |
 Украина |
| Қайси спорт | Теннис |
| Фаол томони | ўнақай |
Андрей Медведев[1] (украинча: Андрій Медведєв; 1974-йил 31-августда туғилган) — украиналик собиқ профессионал теннисчи. Медведев 1999-йилда Франсия очиқ чемпионатининг финалигача ва 1993-йилда ярим финалигача етиб борган. Фаолияти давомида тўртта Мастерс турнирида ғалаба қозонган. 1994-йил май ойида дунёнинг 4-рақамли теннисчисига айланган. Бу фаолиятидаги энг юқори натижа (рейтинг ўрни) ҳисобланади.
Фаолияти
1991-йилда Медведев ўсмирлар ўртасидаги Франсия очиқ чемпионатиданинг яккалик йўналишида чемпионликни қўлга киритган.
1992-йилда, 17 ёшида, Медведев Генуя ва Штутгартда ўтказилган АТП Тоур сериясига кирувчи мусобақаларда чемпионликни қўлга киритган. Штутгертдаги турнирда ўша пайтда жаҳон рейтингида 2-ўринни эгаллаб турган Стефан Эдбергни мағлуб этган. Мавсумни 25-ўринда якунлаган.
Медведевнинг энг муваффақиятли турнири Гамбург Мастерс (собиқ Германия очиқ чемпионати) ҳисобланади. Мазкур турнирда 3 марта (1994, 1995 ва 1997-йилларда) ғалаба қозонган[2].
1990-йилларнинг охирида Медведевнинг спорт формаси ва натижалари пасайиб кетди. 1999-йилги Франсия очиқ чемпионатида 100-рақам остида иштирок этган. Кутимаганда финалгача етиб борган. Финалгача бўлган йўлда Дину Песcариу, Пете Сампрас, Бйрон Блаcк, Арнауд Ди Пасқуале, Густаво Куэртен ва Фернандо Мелигенини мағлуб этган[3]. Медведев финалда Андре Агассига қарши баҳс олиб борган. Финалнинг дастлабки икки сетида ғалаба қозонган. Лекин кейинги 3 та сетда Агасси ғалаба қозониб, мусобақа чемпионига айланган[4]. Шундан кейин Медведев бошқа айтарли натижаларга эриша олмаган ва 2001-йилда фаолиятини якунлаган.
Шахсий ҳаёти
Андрейнинг синглиси Наталя Медведева. 1995-йилда еттинчи маротаба ўтказилаётган Ҳопман кубогида Андрей Медведев ва Наталя Медведева аралаш жуфтлик баҳсларида Украина шарафини ҳимоя қилишган. Финалда германиялик Борис Беcкер ва Анке Ҳуберга жуфтлигига мағлуб бўлишган[5].
Манбалар
- ↑ „Андреи Медведев“. АТП Тоур. Қаралди: 2021-йил 1-май.
- ↑ Сампрас эарнс cомебаcк суccесс. Тҳе Индепендент. (17 Май 2000)
- ↑ Финн, Робин (5 Жуне 1999) Медведев, а Финалист ат тҳе Френч Опен, Cан Феэл тҳе Лове. Тҳе Неw Ёрк Тимес.
- ↑ Стринг Қуартет (Wайбаcк Мачине сайтида 2012-11-03 санасида архивланган). Спорциллустратед.cнн.cом (14 Жуне 1999). Ретриэвед он 22 Фебруарй 2014.
- ↑ Паст Ресулц — Ҳопман Cуп ВИИ. Ҳопманcуп.cом (4 Жануарй 2014). Ретриэвед он 22 Фебруарй 2014.