Andrey Pak
 | Bu maqolada ichki havolalar juda kam. |
Andrey Insunovich Pak (1926-yil[1] noyabr — 1994) — sovet geologi, geologiya-mineralogiya fanlari doktori, Lenin mukofoti laureati.
Tarjimai holi
1951-yilda A.Navoiy nomidagi Oʻzbekiston Davlat universitetini tamomlagan[2]. Krasnoxolmskaya qidiruv ekspeditsiyasida bosh geolog, partiyalar boshligʻi boʻlib ishlagan[2]. Oltin, kumush, uran, fosforitlar, firuza, kvarts qumlari va boshqa konlarni ochish va qidirishda ishtirok etgan. Uchquduq uran konini kashf etganlardan biri (V.M.Mazin, F.N.Abakumov, A.A.Petrenko, M.E.Poyarkova bilan birga), uning negizida Navoiy kon-metallurgiya kombinati tashkil etilgan[3].
1967-1994-yillar mobaynida Oʻzbekiston SSR fanlar Akademiyasi geologiya va geofizika institutining katta va yetakchi ilmiy xodimi boʻlgan[2].
Oilasi
Xotini — Mariya Borisovna Pak;
- uch oʻgʻil boʻlgan[2].
Ilmiy faoliyati
1965-yilda nomzodlik, 1984-yilda doktorlik dissertatsiyasini himoya qilgan[2].
Tanlangan ishlari
- Pak A. I. Evolyutsiya kor vыvetrivaniya v istorii Zemli. — Tashkent: Fan, 1987. — 156 s.
Mukofotlari
- 1959-yildagi Lenin mukofoti — Uchquduq uran konini kashf etgani uchun (F.N.Abakumov, A.A.Petrenko, M.E.Poyarkova, V.I.Kuzmenko bilan birga)[4]
- Mehnat Qizil Bayrogʻi Ordeni[2]
- „Kon kashfiyotchisi“ faxriy nishoni[2].
Manbalar
- ↑ /Yubiley Andreya Insunovicha Paka/. Uzbekskiy geologicheskiy jurnal, 1977.
- ↑ 2,0 2,1 2,2 2,3 2,4 2,5 2,6 . Geolog, uchyonыy, laureat. Tashkent: Niso Poligraf, 2012.
- ↑ „Uranovoy geologii — 65 let“. Federalьnoe agentstvo po nedropolьzovaniyu (2010-yil 13-oktyabr). 2015-yil 24-sentyabrda asl nusxadan arxivlangan. Qaraldi: 2015-yil 14-avgust.
- ↑ Razvedka i oxrana nedr. Gosgeoltexizdat, 2005.
Adabiyotlar
- . Geolog, uchyonыy, laureat. Tashkent: Niso Poligraf, 2012. — 500 ekz.
