Angren ugamiyasi
| Ангрен угамияси | |
|---|---|
Илмий таснифлаш | |
| Олам: | Эукариотлар |
| Тип: | Юксак ўсимликлар |
| Синф: | Икки уруғпаллалилар |
| Туркум: | Угамиа |
| Оила: | Мураккабгулдошлар |
| Бинар номи | |
| Угамиа ангрениcа | |
Ангрен угамияси (лотинча: Угамиа ангрениcа) – икки уруғпаллалилар синфи, мураккабгулдошлар оиласи, угамия туркумига мансуб кўп йиллик гулли ўсимлик тури. Ўзбекистон Республикаси Қизил китобига камёб, эндемик тур сифатида киритилган. Тошкент вилояти Писком, Угом ва Қурама тоғ тизмларида ўсади[1].
Тавсифи
Бўйи 2-8 см гача етади. Ҳаётий шакли яримбута. Поялари кўп ва зич жойлашгани сабабли чим ҳосил қилади. Сербарг, баргчаларининг узунлиги 1,2 см, кенглиги 0,6 см бўлиб сирти зич жойлашган туклар сабабли кулранг яшил тусда кўринади. Барглари пояда навбатма-навбат жойлашган. Тўпгули саватча шаклида. Саватчалари якка-якка бўлиб поя учида жойлашади. Гулбандлари калта ва эгри. Гултожибарглари сариқ тусда чети тўқ қўнғир ҳошияли. Саватчадаги гуллари най шаклида, тожибарги 4,5-5,5 мм. Гуллари бир жинсли, уруғчибаргининг узунлиги 4-5 мм туклар билан қопланган. Ҳашаротлар ёрдамида чангланади. Июн ойида гуллаб меваси июл-августда етилиб пишади. Меваси қуруқ писта мева. Уруғи орқали кўпаяди.
Тарқалиши ва ўсиш шароити
Табиатда кам тарқалган. Кичик тўпламлар ҳосил қилиб ўсади. Тошкент вилояти Писком, Угом ва Қурама тоғ тизмларида учрайди. Тоғнинг юқори қисмидаги тошли, шағалли ёнбағирларда, гранит бўлаклар орасида, қуёш нури тик тушмайдиган жойларда топиш мумкин. Маълум ўсиш шароитига мослашганлиги сабабли табиатда кам учрайди. Чотқол биосфера қўриқхонаси ва Угом Чатқол давлат миллий табиат боғи ҳудудида муҳофаза остига олинган[2].
Манбалар
- ↑ „Угамиа ангрениcа (Красч.) Тзвелев“.
- ↑ Ўзбекистон Республикасининг Қизил китоби И жилд, 2019.