Ankorij

Анкориж — АҚШдаги шаҳар, Аласка штатида. Аҳолиси 226 минг киши (1990). Тинч океаннинг Аласка қўлтиғи соҳилидаги порт. Аэропорти халқаро аҳамиятга эга. Транспорт йўллари тугуни Аласканинг савдо-молия маркази; ёғочсозлик, озиқ-овқат (балиқ қайта ишланади), полиграфия саноати корхоналари мавжуд. Қурилиш материаллари ишлаб чиқарилади. 2 университет, Арктика индейслари ва эскимослар музейи бор. Анкорижга 1915-йилда асос солинган. 1964-йил ҳалокатли зилзиладан кейин қайта тикланган.