Ziyosfera

Anna Mamayenko

Anna Ivanovna Mamayenko (1982-yil, Krasnodar) Rossiya shoirasi, jurnalist, adabiy tanqidchi.

Anna Mamayenko
Tavalludi 1982-yil 9-mart
Krasnodar, SSSR
Ijod qilgan tillari rus tili
Fuqaroligi Rossiya bayrogʻi Rossiya
Faoliyat yillari 1996-yildan hozirgacha

Biografiyasi

Taʼlimi

Krasnodarlik maktab oʻquvchisi Anna Mamayenko ilk bor 13 yoshida oʻz sheʼrlarini viloyat gazetalaridan birida chop ettirdi. 17 yoshiga kelib sezilarli sheʼriy tajribaga ega boʻldi va maktabni tugatgach, 1999-yilda kuchli raqobatga qaramasdan Maksim Gorkiy nomidagi Adabiyot institutiga bir yoʻla oʻqishga kirdi[1].

Jurnalistikadagi faoliyati

Anna Ivanovna 1996-yildan 2000-yilgacha „Kubanskie novosti“ va „Komsomolets Kubani“ gazetalarida shtatdan tashqari muxbir sifatida faoliyat yuritgan. 2000-yilda Krasnodarda „Punkt Priyema“ nomli adabiy-teatr guruhiga asos solgan va uni boshqargan. Bu guruh tarkibida konseptual sheʼriy spektakllar va performanslarda ishtirok etgan. Eng mashhur ishlari orasida „Pyatnitsa Obitaniya“ nomli konseptual sheʼriy spektakl boʻlib, unda Mamayenko asosiy ssenariy muallifi, loyiha rahbari va bosh rol ijrochisi sifatida qatnashgan. Keyinchalik, 2003-yilda Krasnodarda „Voskresnik, ili Poxoroni russkoy literaturi“ nomli aksiya-performans oʻtkazilgan boʻlib, u ommaviy axborot vositalarida keng va turlicha aks-sado uygʻotgan[2].

Ijodiy faoliyati

Anna turli yillarda kutubxonachi yordamchisi, muxbir, qorovul, nashriyot muharriri, Taman yarim orolidagi arxeologik ekspeditsiyada yer qazuvchi, adabiyot maslahatchisi, koʻkalamzorlashtiruvchi, yordamchi ishchi va Krasnodar drama teatrining adabiy qism mudiri lavozimlarida ishlagan.

Mamayenko 2004-2005-yillarda „Xalqlar doʻstligi“ jurnalida sheʼriyat boʻyicha shtatdan tashqari adabiy maslahatchi sifatida faoliyat yuritgan. 1999-yildan boshlab Rossiya Yozuvchilar uyushmasining Krasnodar viloyat boʻlimida adabiy maslahatchi lavozimida ishlab kelgan. 2008-yildan 2009-yilgacha Rossiya Yozuvchilar uyushmasining Krasnodar viloyat boʻlimi raisi vazifasini vaqtincha bajaruvchi boʻlgan. 2009-yilda Krasnodar shahri madaniyati va sanʼatiga qoʻshgan ulkan hissasi uchun shahar maʼmuriyatining faxriy yorligʻi bilan taqdirlangan.

2010-yildan 2012-yilgacha „Sumrachniy geniy“ mistika va qoʻrqinch jurnalining adabiy muharriri sifatida faoliyat yuritgan.

Jurnallar, gazeta va toʻplamlardagi nashrlari

Anna Mamayenko „Literaturnoy gazete“, „Znamya“[3], „Yunost“, „Novaya Yunost“, „Nash sovremennik“, „Literaturnaya uchyoba“, „Literaturnaya uchyoba“[4],"Okno"[5], „Golos epoxi“[6], „Emigrantskaya lira“[7], „Vecherniy gondoler: Gazeta volnix literatorov“[8], „Rus yozuvchisi“ veb-saytida[9] va Yevrosiyo jurnal portali „Megalit“[10][11]; shuningdek, jamoaviy toʻplamlar va xalqaro antologiyalarda, Moskva, Krasnodar viloyati, Omsk, Rostov-na-Donu, Kostomuksha nashrlarida oʻz asarlarini eʼlon qilgan. Anna Mamayenko „Avlod kundaligi“ loyihasining ishtirokchisidir[12]. Koʻplab jurnalistik va ilmiy-publitsistik materiallar, „Sovremennaya poeziya: russkaya i zarubejnaya“ maqolalar toʻplamiga soʻzboshi hamda shu toʻplamda Temur Zulfiqorovning ijodiga bagʻishlangan „Bodom masjidida namoz“ (2014) maqolasining muallifi[13][14].

Manbalar

  1. ↑ N. Bershadskaya, Nebesniy vokzal Ani Mamaenko // Parlamentskaya gazeta, № 47 (926) 7 marta 2002
  2. ↑ „A. Mamaenko, M. Martыnova, Stsenariy kontseptualьnogo poeticheskogo spektaklya «Pyatnitsa obitaniya» // Punkt priema“. 2013-yil 28-sentyabrda asl nusxadan arxivlangan. Qaraldi: 2013-yil 9-mart.
  3. ↑ „Anna Mamaenko, Vodonapornaya bashnya, zarosshaya chistotelom. Stixi // Znamya, 2012, № 10“. 2013-yil 26-oktyabrda asl nusxadan arxivlangan. Qaraldi: 2013-yil 9-mart.
  4. ↑ „Yujnaya zvezda“: Anna Mamaenko
  5. ↑ „«Okno» № 9 (12), 2012“. 2019-yil 4-avgustda asl nusxadan arxivlangan. Qaraldi: 2019-yil 4-avgust.
  6. ↑ „«Golos epoxi» № 01, 2015“. 2018-yil 20-iyunda asl nusxadan arxivlangan. Qaraldi: 2018-yil 20-iyun.
  7. ↑ „«Emigrantskaya lira» №1, 2013“. 2018-yil 20-iyunda asl nusxadan arxivlangan. Qaraldi: 2018-yil 20-iyun.
  8. ↑ „«Vecherniy gondolьer: Gazeta volьnыx literatorov»: Anna Mamaenko. Stixotvoreniya“. 2018-yil 23-iyunda asl nusxadan arxivlangan. Qaraldi: 2018-yil 20-iyun.
  9. ↑ „Anna Ivanovna Mamaenko «Nekropolь eretikov»“. 2018-yil 9-iyunda asl nusxadan arxivlangan. Qaraldi: 2018-yil 20-iyun.
  10. ↑ „Anna Mamaenko. «Doma naklonyayutsya nije»“. 2018-yil 20-iyunda asl nusxadan arxivlangan. Qaraldi: 2018-yil 20-iyun.
  11. ↑ „Anna Mamaenko. Igra vnichьyu (podborka stixov) dekabrь, 2011)“. 2018-yil 20-iyunda asl nusxadan arxivlangan. Qaraldi: 2018-yil 20-iyun.
  12. ↑ „Anna Mamaenko. «Topolinaya kaznь»“. 2018-yil 20-iyunda asl nusxadan arxivlangan. Qaraldi: 2018-yil 20-iyun.
  13. ↑ „Anna Mamaenko. «Gamlet Konstantina Kedrova»“. 2018-yil 20-iyunda asl nusxadan arxivlangan. Qaraldi: 2018-yil 20-iyun.
  14. ↑ „Anna Mamaenko. «Ushiblennыe skrijalьyu (neskolьko slov o sovremennoy poezii)»“. 2018-yil 20-iyunda asl nusxadan arxivlangan. Qaraldi: 2018-yil 20-iyun. 
"https://new.ziyosfera.uz/ziyo/19914441" dan olindi