Anxel

Анхел шаршараси

Анхел шаршараси — дунёдаги энг баланд шаршара. Шаршара Венесуэланинг шарқидаги Чурун дарёсига оқиб боради. Анхел шаршарасининг умумий баландлиги 979 метрдир. Узилмасдан пастга тушиб борадиган қисмининг узунлиги бўлса 807 метрдир.

Номланиши

Анхел шаршараси Америкалик учувчи Жиммй Ангел номи билан аталади. Ангел шаршаранининг устидан 1935-йил учиб ўтди ва уни кўрган биринчи оқ танли одам бўлди. Ангел бу ҳудудда олтин излаётган бўлган.

Шаршара испанча „Салто Áнгел“ деб аталади. Ўзбекчада „Анхел“ деб номлаш рус тилидан кириб келган. Венесуэлада маҳаллий аҳоли бўлмиш пемонлар шаршарани „Керепакупаи Венá“ („энг чуқур ернинг шаршараси“) деб аташади. Шу сабаб шаршаранинг номи Керепакупаи Венá бўлиши керак деб ҳисобловчилар кўп.

Жойлашган ҳудуди

Шаршара Ла Гран Сабана деб номланувчи тоғли ҳудуддаги баланд қоядан пастга тушади. Бу ҳуҳудда кўплаган улкан ва ранг-баранг қум билан қопланган месалар (усти текис қирлар) бор. Месаларнинг кўпини ўтлоқлар ва тропик ўрмонлар ўраб туради. Баъзи месалар 760 метрдан баланд. Ҳудуддда баланд қоялар жуда ҳам кўп. Анхел шаршараси Ауян-Тепуи тоғида жойлашган. Бу тоғ денгиз сатҳидан 2560 метр баландда жойлашган.

Туризм

Анхел шаршараси жуда кўп сайёҳларни жалб қилади. Аммо унинг олдига бориш мураккаб, сабаби шаршара аҳоли яшайдиган ерлардан олисдаги жунглида жойлашган. Бугунги кунда кичик самолотлар сайёҳларни Анхел шаршараси устида ва атрофидаги ҳудудда айлантиради. Шаршарага яна дарёда сув кўп бўлган мавсумда (июн-декабр) cуриара деб номланувчи қайиқларда маҳаллий гидлар билан сузиб бориш мумкин.

Анхел шаршараси ва Ауйáн-тепуи тоғининг узоқдан кўриниши

Ҳаволалар

• Анхел шаршарасининг расмий сайти (Wайбаcк Мачине сайтида 2014-11-04 санасида архивланган) ^{(ингл.)(исп.)(итал.)(порт.)}