Autigen minerallar

Аутиген минераллар (юнонча: аутҳигенес — жойида ҳосил бўлиш, ўзига хос) — чўкинди жинслар минераллари, седиментация ёки чўкиндининг ўз жойида қайта ўзгариши натижасида вужудга келади. Аутиген минераллар терриген минераллар, яъни қуруқликдан ювилиб кёлтирилган чақиқ минералларнинг акси сифатида таърифланади. Аутиген минераллар кўпинча яхши кристалли шаклга эга. Турли карбонатлар, эрувчи тузлар, руда минераллари, қисман кварс, барит, селестин, дала шпати, сеолитлар ва б. аутиген ҳисобланади. Аутиген минераллар чўкинди тоғ жинсининг седиментация шароити ва унинг кейинги ўзгаришини кўрсатади. АУТО… (юнонча: аутос — ўзим) — қўшма сўз бўлаги; айнан автони англатади.