Avgust (imperator)
| Август | |
|---|---|
 | |
| Таваллуди | 23-сентябр мил. авв. 63 |
| Вафоти | 19-август 14 йил |
Оcтавиан Август (лотинча: Оcтавианус Аугустус; милоддан аввалги 27 йилгача исми Октавиан бўлган) (милоддан аввалги 63 — милодий 14) – Рим императори (милоддан аввалги 27 – милодий 14), Юлий Сезарнинг набира жияни, васиятига кўра, ўғил қилиб олинган. Август ҳуқуқи чекланмаган ҳоким бўлиб олгач, Сенат унга “август”- “худолар томонидан шарафланган” деган фахрий унвон берган. Сезарнинг ўлимидан сўнг бошланган фуқаролар уруши (милоддан аввалги 43–31) ни Аксий ёнидаги жангда Рим саркардаси Марк Антоний ва Миср маликаси Клеопатра устидан ғалаба қозониш билан якунлаган. Август принсипат ("принcепс" – Сенат қатнашчиси) деб аталувчи сиёсий режимга асос солган. Бу давлат тузуми республика шаклидаги монархияга ўхшайди. Унда илгаригидек, Сенат ва республика лавозимлари сақланиб қолган, аммо бутун ҳокимият Август қўл остига ўтган. Халқ мажлисининг та’сири тугаган. Август мамлакатнинг йирик қулдорлари ва Рим армиясига таяниб иш кўрган. Август ўз ташқи сиёсатида ғарбга нисбатан босқинчилик сиёсати юргизган бўлса, шарққа нисбатан дипломатик музокаралар ёрдамида Рим давлатининг ҳокимлигини ёйишга интилди. Кейинчалик “август” императорлар унвонини англатувчи атамага айланган.
Адабиётлар
- ЎзМЕ. Биринчи жилд. Тошкент, 2000-йил
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |