Avtosalon

Автосалон– автомобиллар янги моделлари намойиш этиладиган ва сотиладиган кўргазма (ёки унинг бир бўлими). Ўзбекистонда автосалонлар асосан 1994-йилдан бошлаб очила бошлаган. Автосалонларнинг асосий қисми Ўзбекистон автомобилсозлик корхоналари уюшмаси ("Ўзавтосаноат") ва маиший хизмат тизимидаги "Ўзавтотеххизмат" аксиядорлик жамиятининг вилоятлардаги ҳудудий бўлинмаларига қарайди. 1999-йилда Ўзбекистонда 77 та автосалон ишлади. Тошкент шаҳрида 16 та автосалон ишлаб турибди. Автосалонларда Асака автомобил заводида ишлаб чиқарилган "Нексия", "Дамас" ва "Тико"автомобиллари, шунингдек, "Фиат" (Италия), "Шевролет", "Кадиллак", "Крайслер" (АҚСҲ), "Картал", "Да-ган", "Ивеко", "Карсон" (Туркия) сингари хорижда ишлаб чиқарилган енгил автомобиллар, автобуслар, уларнинг эҳтиёт қисмлари ва бошқа ҳам намойиш қилинади. Айрим автосалонларда сотувга чиқарилган автомобилларни сотув олди кўригини ўтказиш, қисмларини сотишга буюртма қабул қилиш, сервис ва сотув олди хизматлари йўлга қўйилган.

Адабиётлар

• ЎзМЕ. Биринчи жилд. Тошкент, 2000-йил