Axel Munthe
Мунте Ахел Мартин Фредерик — швеция шифокори ва ёзувчиси.
Биография
1857-йилнинг 31-октабрида Швецияда фармацевт оиласида туғилган. 1874-йилда Уппсала университетининг тиббиёт факултетига ўқишга кирган. У университетда яхши таълим ола бошлаган, аммо орадан икки йил ўтиб жиддий касалликка чалинди. Шифокорлар унда ўпкадан қон кетиш касаллигини аниқлашди. Касалликдан халос бўлиш мақсадида жанубий ҳудудга сувли муҳитга кўчишга қарор қилди.Шу туфайли у Франсия жанубига кўчиб ўтган.Таҳсилни 1876-1878 йилларда Монпеле университетида давом эттирган. 1878-1880 йилларда Париж университетининг тиббиёт факултетида таҳсил олди. 1880-йилда у Франсиядаги энг ёш шифокор бўлди[1].
Худди шу йили у оила қурган ва Капри оролига яшаш учун жўнаб кетган. 1881-йилнинг кузида Мунте Парижга қайтиб келган. 1883-йилда Неаполда вабо эпидемияси бошланган. Докторлик бурчига содиқ қолган Ахел Мунте у ерга борган Неаполдаги фаолияти давомида Швеция газетасига мақолалар ёзади. Бу мақолалар унинг дастлабки адабий фаолияти бўлган. 1888-йилда Мунте турмуш ўртоғи билан ажрашди ва 1889-йил май ойида яна Капри оролида яшаш учун кўчиб кетди. 1893-йилдан бошлаб у Римда фаолият юритди. Лекин у ҳар баҳорни Капри оролида ўтказарди. У „Сан Мишел афсонаси“ номли автобиографик асар яратган. Бу асарда у Капри оролида кечган умри ҳақида маълумот берган.
1907-йилда у иккинчи маротаба оила қурган. 1914-йилда Мунте инглиз шифокори сифатида фронтга кетди. Урушда кўрган ва бошидан кечирган ҳамма нарса ҳақида у „Қизил Хоч ва Темир Хоч“ китобини ёзган. 1943-йилдан то вафотигача у Стокголмдаги қироллик саройида Густав В нинг шахсий меҳмони сифатида яшаган.1949-йил 11-февралда Стокголмда вафот этган.Ҳозирда унинг Капри оролидаги уйи Аксел Мунте уй музейига айлантирилган[2].
Манбалар
- ↑ ҳттпс://www.гени.cом/пеопле/Магдалена-Руденсч%C3%Б6лд/6000000007673978404
- ↑ Сандра Жобсон Дарроч, Оттолине: Тҳе лифе оф Ладй Оттолине Моррелл (1975), чаптер 2