Axsarbek Abayev

Ахсарбек Абаев
	Файл:Ахсарбек Абаев.жпг; 1940-йилларнинг фотосурати
Асл исми	осетин: Ӕбати Мӕхӕмӕти фурт Ӕхсарбег
Таваллуди	14-декабр 1923-йил; Христиановскоэ, Горский АССР, РСФСР
Вафоти	13-май 1982-йил; (58 ёшда); Дигора, Шимолий Осетиян АССР
Фуқаролиги	СССР
Қўшин турлари	пиёда аскарлар
Хизматдаги йиллари	1942-1945-йиллар
Унвони
Ҳарбий қисм	6-гвардия ўқчилари полки, 2-гвардия ўқчилари дивизияси, 56-армия, Шимолий Кавказ фронти
Жанг/уруш	Иккинчи жаҳон уруши

Ахсарбек Магометович Абаев (осетин: Ӕбати Мӕхӕмӕти фурт Ӕхсарбег ; 1923-йил 14-декабр, Христиановскоэ, Горский АССР, РСФСР — 1982-йил 13-май, Дигора, Шимолий Осетиян АССР, РСФСР) — Иккинчи жаҳон уруши қатнашчиси, Совет Иттифоқи Қаҳрамони (16.05.1944).

Ҳаёти

Ахсарбек Абаев Горский АССР Христиановское қишлоғида (ҳозирги Шимолий Осетиянинг Дигора шаҳри) деҳқон оиласида туғилган. Ўрта мактабнинг 7 синф маълумотига эга, колхозда ишлаган^[1].

1942-йил августда Совет Армия сафига чақирилган. Шимолий Кавказ фронтида жанг қилган. Кавказ учун жангда кўрсатган жонбозлиги учун „Жанговар хизматлари учун“ ва „Кавказ мудофааси учун“ медаллари билан мукофотланган, гвардия сержанти унвонигача кўтарилган^[2].

1943-йил 3-ноябрда 6-гвардия ўқчила полкининг гуруҳ командири гвардия сержанти Ахсарбек Абаев, ҳозирги Керч шаҳридаги Маяк қишлоғи яқинида Керч ярим оролидаги плацдармни кенгайтириш учун жангда душманнинг кучли пулемёт олови остида биринчи бўлиб ҳужумга отилади. Командирнинг намунасидан илҳомланиб, гвардиячилар душман турган жойга ёриб кириб, уни траншеядан сиқиб чиқаради. Бу жангда, бўлинманинг муваффақиятини таъминлаб, гвардия сержанти Ахсарбек Абаев 40 нафар фашистни йўқ қилади ва 6 тасини асирга олади^[3].

СССР Олий Кенгаши Президиумининг 1944-йил 16-майдаги фармони билан „Фронтда немис-фашист босқинчиларига қарши курашда қўмондонликнинг жанговар топшириқларини намунали бажарганлиги ҳамда кўрсатган жасорати ва қаҳрамонлиги учун“, гвардия сержанти Ахсарбек Магометович Абаев Совет Иттифоқи Қаҳрамони унвони билан тақдирланган^[4].

1945-йилда Ахсарбек Абаев захирага бўшатилган. 1947-йилда Оржоникидзе темир йўл техникумини тамомлаган. Дигора шаҳрида яшаб, меҳнат қилган. 1982-йил 13-майда вафот этган^[3].

Хотираси

Шимолий Осетия Республикасининг Дигора шаҳрида Қаҳрамоннинг бюсти ўрнатилди.
Дигора шаҳардаги 3-сонли умумтаълим мактаби унинг номи билан аталади, мактаб биносига мемориал лавҳа ўрнатилди.
Ахсарбек Абаев истиқомат қилган уйга яна бир мемориал тахта ўрнатилди.
Дигора шаҳар кўчаларидан бирига унинг номи берилди.

Манбалар

↑ Сайт «Герои страны». „Ахсарбек Магометович Абаев“.
↑ „АБАЕВ АХСАРБЕК МАГОМЕТОВИCҲ“.
↑ ^3,0 ^3,1 „Абаев Ахсарбек Магометович, Герой Советского Союза“.
↑ „СССР Олий Кенгаши Президиумининг фармони“.

[1] Сайт «Герои страны». „Ахсарбек Магометович Абаев“.

[2] „АБАЕВ АХСАРБЕК МАГОМЕТОВИCҲ“.

[:0-3] 3,0 ^3,1 „Абаев Ахсарбек Магометович, Герой Советского Союза“.

[4] „СССР Олий Кенгаши Президиумининг фармони“.

[1]

[2]

[3]

[4]