Azim Mullaxonov
Азим Муллахонов (1960-йил 17-феврал) — Ўзбекистон ва Қозоғистонда хизмат кўрсатган артист.
| Азим Муллахонов | |
|---|---|
| Таваллуди | 1960-йил 17-феврал |
| Фуқаролиги |
 Ўзбекистон |
| Касби | Артист, режиссёр |
| Фаолият йиллари | 1975-йилдан ҳозиргача |
Ҳаёти
Азим Муллахонов 1960-йил 17-феврал куни Тошкент шаҳрида туғилган. 2005-йилда Тошкент давлат сан’ат институтини тамомлаган.
Меҳнат фаолиятини 1975-йилда Муқимий номидаги Ўзбек давлат мусиқали драма театри овоз муҳандиси ёрдамчиси сифатида бошлаган. 1978—1980-йилларда Муқимий театри 2-категорияли оркестр созандаси, 1981—1982-йилларда Т.Содиқов номидаги маданият уйида консертмейстер, 1983—1990- йилларда Муқимий театри 2-категорияли оркестр созандаси, 1992—1998-йилларда Ўзбекистон давлат эстрада бирлашмаси “Нола” вокал-чолғу ансамбли раҳбари, 1998—2008-йилларда Ўзбекистон Республикаси Ички ишлар вазирли қошидаги “Турон юлдузлари” ансамбли солисти, 2008—2017-йилларда “Ўзбекнаво” эстрада бирлашмаси хонандаси, 2017—2023-йилларда “Ўзбекконсерт” давлат муассасаси хонандаси лавозимларида фаолият олиб борган. 2023-йилда Муқимий номидаги Ўзбекистон давлат мусиқали драма театрига директор этиб тайинланган[1].
Ҳозирги кунгача „Келмадинг“, „Ота“ ва „Кечалар“ номли 3 та албом тайёрлаган. 60 дан зиёд қўшиқларни ижро этган.
Азим Муллахонов Ўзбекистонда ҳамда Қозоғистонда хизмат кўрсатган артист унвонларига сазовор бўлган.
Манбалар
- ↑ „Азим Муллахонов Муқимий театрига директор бўлди“. кун.уз. Қаралди: 7-ноябр 2024-йил.
|
Бу мақолада бошқа тил бўлимларига ишорат йўқ. Сиз уларни топиб ва ушбу мақолага қўшиб, лойиҳага ёрдам беришингиз мумкин. |