Baba Adam masjidi
Баба Адам масжиди (бенгалча: বাবা আদম মসজিদ, арабча: مسجد بابا آدم) Бангладешнинг Муншиганж туманидаги Рампал иттифоқига қарашли Қоди Қасба қишлоғида жойлашган масжиддир. У 1483-йилда Малик Кафур томонидан Жалолиддин Фатеҳшоҳ даврида жоме масжиди сифатида фойдаланиш учун қурилган[1]. 15-асрда яшаган мусулмон воизи Баба Адам Шаҳиднинг қабри бино яқинида жойлашган.
| Масжид | |
 | |
| Кириш қисми | |
| Мамлакат |  Бангладеш
|
| Координаталар | 23°33′23″Н 90°29′47″Э / 23.556431°Н 90.496350°Э |
| Йўналиши | сунний |
| Асосчи | Жалолиддин Фотиҳ Шоҳ |
| Асосий сана: 1483-йил
| |
| Умумий майдони | 69.8625м² |
| Гумбазлар сони | 6 |
| Гумбазлар сони | 6 |
| Сайт | [муншигонж.cом/ҳеритаге/бабаадам.ҳтм Расмий сайт] |
Тарихи
Шарқдаги марказий эшик тепасига ўрнатилган араб хаттотчилик услубидаги ёзувга кўра, масжид ҳижрий 888-йил ражаб ойида (милодий 1483-йил август/сентябр) Бенгал султони Жалолиддин Фатеҳшоҳ даврида қурилган. У Султоннинг зобитларидан бири Малик ал-Муаззам Молик Кафур томонидан бунёд эттирилган[2][3]. Тарихчи Аҳмад Ҳасан Донийнинг ёзишича, Кафур ҳабаш миллатига мансуб эди[4]. Ҳозирда археология бўлими қошидаги қўриқланадиган ёдгорлик сирасига кирувчи масжид таъмирланган ва яхши ҳолатда сақлаб қолинган.
Архитектураси
Масжид икки йўлак ва учта қисмга бўлинган, ғарбдаги деворнинг орқа томони уч қисмга ажратилган, унинг ўрта қисмида кўп қиррали безакли арк панели мавжуд. Ғиштдан қурилган бино икки қаторга бўлинган олтита бир хил шаклдаги гумбаз билан қопланган. Саккиз қиррали иккита мустақил нозик қора базалт устунлар занжир ва қўнғироқ нақшлари билан безатилган. Тош устунлар олтита гумбазнинг икки марказли қирраларини тутиб туради.
Барча кириш эшиклари ва меҳроблар тўртбурчак рамка ичида жойлаштирилган. Жанубий ва шимолий деворларида тўртбурчак нишлар мавжуд. Кўп гумбазли масжиднинг минораси йўқ. Марказий эшикнинг иккала томонида иккита кўп бурчакли тўртбурчак панеллар ўрнатилган. Арклар қиррали кичик устунлар устида мустаҳкам қилиб ишланган ва чиройли теракота гулли нақш ва осма безаклар билан безатилган. Фасад безакларининг бу тури Шаҳзодпур (Сиражганж) масжидида ҳам учрайди[5].
Галерея
-
Муқобил кўриниши -
Дизайни -
Мотив -
Бурчаги -
Устун
Яна қаранг
Манбалар
- ↑ Мичелл, Георге, Тҳе Исламиc Ҳеритаге оф Бенгал, п. 128, ИСБН 978-9231021749
- ↑ Аҳмед, Абу Саеэд М.. Мосқуэ Арчитеcтуре ин Бангладеш. УНЕСCО Дҳака, 2006 — 98-бет. ИСБН 978-984-32-3469-8.
- ↑ Аҳмед, Др. Назимуддин, Дисcовер тҳе Монуменц оф Бангладеш, п. 158
- ↑ Аҳмад Ҳасан Дани „Аналйсис оф тҳе Инсcриптионс“, . Асиатиc Соcиэтй Оф Пакистан Вол-ии — 35 анд 99-бет.
- ↑ „Баба Адам'с Мосқуэ“. муншигонж.cом. 2017-йил 8-июлда асл нусхадан архивланган. Қаралди: 2018-йил 5-октябр.